魚樂無窮│呢隻績優股靜靜收集（唐牛）
魚樂無窮│呢隻績優股靜靜收集（唐牛）
績優股放榜後應該怎入場，通常有兩個做法。
上星期接受了某財經YouTube Channel嘅訪問，提到本欄在通告尋寶的經驗。主持問我，近期不少公司放榜後，股價表現與成績表並不掛鈎，好業績插水，差業績炒起，究竟應
該如何自處。我慣性的做法，是在事前做工夫︰業績公佈前股價偷步升，點都食半留半，冇貨嘅盡量唔搏，想搏都係半力；相反，放榜前冇乜動靜嘅，不妨放膽試一試，就算表現不似預期，沽壓都冇咁大。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
績優股放榜後又應該怎入場？兩個做法，如果係市場焦點，通常都會絕塵而去，可以先沖一注，有貨底在手，起碼唔會被放甩，回吐又可再加；如果係中小型股票，我會選擇先等一等，讓股價由燦爛歸於平淡時才入手，以增加勝算。
天寶攻新能源車手提充電
以昨日入場嘅天寶集團（1979）為例，放榜後即衝高至近期高位2.57元，未幾徐徐回落，至昨日回試50天線即見反彈，本欄亦順勢先買一注；集團中期收益增長88%至33.16億元，純利更升1倍至1.9億元，中期息同步增加至5.7仙，預測市盈率僅5倍，非常舒服。
最正賣點在於其新能源汽車手提充電器，已於第二季順利於北美地區進行線上銷售，便攜式儲能箱將於下半年開始進行線上銷售，目前銷售符合預期，同時提到持續深耕汽車電子及綠色出行等新能源產業範疇，與潛在客戶共同研究開發更多智能充電設備，完美食正國策，現水平慢慢收集，等全年業績收成。
唐牛
fb︰https://www.fb.com/tongcow88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com
