士佳說 - 張士佳 2021年12月6日
【#士佳說 】張士佳：好難唔降準
【#士佳說 】張士佳：好難唔降準
上星期五寫無乜特別股篩出嚟，都知個市麻麻，但冇諗到咁衰，尤其在美股時段，港股出了狀況，皆因中概股退市風暴；網約車平台滴滴在紐約退市除牌並啟動來港上市行動，才能解決業務問題。另一方面美國證交會正式公布法規，要求在紐約上市的外國公司包括中資股必須提供審計底稿供美方檢查，否則會有被除牌可能，中美爭鬥，令市場恐防中概股會否集體退市，都先沽為敬。
另一方面，周五晚Powell暗示美國明年有四次加息的可能，美股龍頭TSLA, NVDA, Docusign不但即時再插水，幾乎所有中概股DiDi, BABA, JD, PDD, TME , BEKE, NIO, LI, Xpev, 更是再暴跌得體無完膚。
中概科技股再現股災，問題是阿里#9988、騰訊#700、百度#9888等其大數據都會唔會涉及到安全問題而集體退市呢？如此大動作，會引發兩地股市破壞性的短線影響，不過，推演下一步，可能係做就低位入貨嘅機會。退市，長遠公司盈利根本冇大分別，棄美來港上市，長遠更少咗受呢啲中美磨擦嘅影響，不過投資者被迫沽貨，所以股價跌，呢個係供求關係，係即時嘅影響，所以急跌係正常不過。
唔知跌到幾時出手，就要睇圖表訊號，唔敢下判斷？咁不如吼港交所#388，受惠中概股從美國退市轉場，急升4%，其實這個套路之前都炒過幾次，不過今次炒作堅實好多。
除此以外，又唔係冇選擇，只不過要盡量縮窄範圍小再揀擇d；系中概及科技股未回稳之前，以下逆市陽升股應該再可以hold 多陣。
北水仍然搶住買中國電力#2380；配完股成交放量不但守住配股價， 星期五仲有力上升穿昨日高位，即市再加d倉位。華潤電力#836仲靚hold住，華能#902及華電國際#1071，龍源電力#916後來居上，整個電力板塊攜手同行，吸引了大量資金。
仲有唔少得氫，中集安瑞科#3899、東方電氣#1072仍相當生猛, 講左幾日都值得續持有，兩陰先減倉。有心理準備，電力股連續升了五六支陽燭，要抖下氣果陣時, 又到了細隻的 #1133哈爾濱電氣，上海電氣#2727，剛簽訂海上風電大單的中國能源建設#3996發力， 以及光伏創維#751，落後的濰柴動力#2338都正在反彈，追蹤下套路。
煤炭AH股亦跑出，日前講煤供應失衡，加上天氣冷，兗州州煤#1171升得吾太差，但#1088中國神華升得仲靚，可惜煤我只炒兩隻，睇下#1733今日除淨後嘅表現先。據資料，中央政策似乎對煤價有點放鬆，之前控制煤價於550元附近，近期升到700元附近，市場預測水位在550-850元之間，仍有一點上行空間但就未必會似較早前大升了，炒煤要注意政策及格價動向這點。
航運股仍未收隊，港口股大升迎接，最大的招商局港口#144升近13%，一升就創新高，等回一回，或者都唔會回得多了。中遠海運港口#1199都唔弱，不過相比之下，等佢破埋頂先。
另外，電子煙都值得研究，雖然近日思摩爾#6969回吐下但又大升一下咁，但今次電子煙整體監管消息令板塊有著基本質變中改善。產品看重合規及品質，利好具備高生產標準、只需要辦理生產企業許可證，又利好海外市場，電子煙似乎進入專賣時代，可惜已炒至250天線附近，還是目及實#336， 陽燭破頂先再追。
煙有害健康，但有些藥會好些，尤其減低covid死亡率嘅藥，呢啲會少受中概股風暴影響，仲有先前大散嘅內房，依家咁嘅環境，相信監管力度會減弱，彈下都係正常，再者，我估咁嘅環境（哈哈我講咗兩次），好難唔降準。
今次美股認真調整，中概科技股夾在中美的政治矛盾中，股價往後表現相信又要等下先會好，若不再急跌，有回穩已經是幫忙，講句風涼話，港股呢排衰？美股應該仲衰。現時炒住強股板塊先，指數暫時由券商、內銀及地產等頂住（皆因降準的預期），在壞消息充斥下，短期股市雖弱，降準頂佢一部份，只要頂得一排，又並吾係長遠冇得醫，唔好唔記得有上市效應，但凡一隻大股上市，傳統智慧都知個市差晒有限，更何況咁多隻大股排隊，似乎捱完呢段，會有返排好日子過。
士佳說 - 張士佳 舊文
本文作轉載及備份之用 來源 source: http://skycheung.weebly.com
