士佳說 - 張士佳 2022年1月6日
【#士佳說 】張士佳：預咗會還
【#士佳說 】張士佳：預咗會還
內地又有反壟斷監管，再對騰訊#700及阿里#9988、嗶哩嗶哩#9626和京東#9618等開出13宗反壟斷罰單，雖然唔係罰好多錢但都好影響市場氣氛。加上事隔兩星期，騰訊沽完京東，尋日再減持旗下投資Sea Ltd，市場擔心騰訊會再接再厲，加快減持有份投資的股份，對美團#3690、快手#1024等都先急沽爲敬，拖累恒生科指又創新低。
阿里雖然有芒格增持成倍（我都盲目支持咗少少），消息令阿里日中股價硬淨仍有少少升幅，但債息又話標高，阿里尋晚ADR仍要收跌2%，美股納指都大上大落，尾市亦急跌，中概股亦難免有運行。不過話就話咁淡，啲科技股再跌多一輪或有反彈都吾出奇，騰訊尋晚都立即出嚟做回購。
壞消息一籮籮，本港疫情擴散嚴重今日開始又有收緊措施，餐飲，賭股再捱沽，另一邊，新能源汽車、綠電概念、光伏設備等被市場套現take profit，顯著調整。只有銀行、油氣、國企內房等舊經濟股勉強地幫下指數，但仍要跌穿23000收市，國指更穿過8000點創6年低位。我先前諗住無執輸，在持股大幅跑贏大市時食食食，今浸跌落嚟，仲沽埋棋子，都仲係嫌走得唔夠多，嗰個先前冇諗過，一回回咁多，D股跑贏大市咁耐，都預咗要還，而家仲持有一半以上，今日再陰跌收就走多些。
其實，之前的熱點賽道股，全線被沽，首當其衝的是新能源汽車，財政補貼政策對新能源汽車補貼少咗30%，同時購置補貼政策系2022年12月31日終止。長城汽車#2333立即向下破位，比亞迪#1211，小鵬#9868，理想汽車#2015，全線新能源汽車都跌近9%，近來我少講汽車股，只集中汽配股，應該避得開，不過，相信新能源汽車市場已由補貼資助政策轉向需求推動，大跌或許是下一輪機會。
不過新能源汽車的充電站，充電櫃需求未停，全中國都加緊組裝建設，當中澳能建設#1183就系中國廣東省廣州市與合營企業合資開拓運營約1000個充電站，將可供用戶使用，並主要服務外賣騎手。圖表馬上逆市突破，短中線前景應該不錯。
還有光伏綠電風電新能源這些；市場有傳今明年不考核雙碳，只考核增長，有點摸不著頭腦，但市場弱勢，高位遇上利空，市場套現take profit再算，尤記得個多月前，大概中國電力#2380配股反常的時候，講到要重新關注及買入新能源電力股，到現在都升幅可見，我雖然有食啲股，但冇食到呢一隻，所以都係死頂中，今日都再陰燭下跌，就會走一半。呢隻會走，但有啲就算先前大升，現在仍死都唔走，至於邊一啲，聽日做Sun Channel ，如果有時間，到時暗示一下。
舊經濟方面，地產和銀行股有企穩的跡象。之前提到因爲美國明年加息之年，英國率先外圍應都跟加息，對外資銀行如匯控#005、恆生銀行#011業績都帶來預期。而且國內大環境是需要政策貨幣的寬鬆，中銀香港#2388及郵儲銀行#1658等內銀都受惠。另一經濟龍脈是內房地產，中海外#688，華潤置地#1109等這些優質內房，在大跌之下就顯得比較穩定。一旦政策再有暖風，市場就更有信心。
除了地產、金融之外，還有石油天然氣等舊經濟，期油上反80美元，石油股中海油#883，中石油#857逆市向好，吼下中石化#386同天燃氣昆侖能源#135、新奧能源#2688，華潤燃氣#1193等下一輸炒。
指數及大市氣氛都吾好，加上全球疫情擴散，大家要做好防禦措施不要低估其殺傷力，升得好勁嗰啲，我走了一截，今日再跌會走多些（尤其D飛左飛機衣嗰啲），剩低嗰啲就坐住put來揸，直到22300或者唔到，put輸晒，靠股票賺。
士佳說 - 張士佳 舊文
本文作轉載及備份之用 來源 source: http://skycheung.weebly.com
