士佳說 - 張士佳 2022年2月14日
【#士佳說 】張士佳：上下有位
【#士佳說 】張士佳：上下有位
上禮拜同大家講左25000陽燭突破的重要性，臨門一腳做唔到，開始期間我都有過料學生，港股超短線變得冇咁靚，結果美股夜晚又跌五百，毫無疑問，美國猛通脹加速得很快，聯儲局被認定加息步伐落後於通脹，仲話急到要2月就開會加息，二季度開始加緊縮表收水。美銀大行加多腳，預料標指要最少要落多一成，先會逼到聯儲局托市，即係標普仲有可能跌多400點，非常駭人，美股上週五收市前就急轉直下跌多六百點，相信會再探底。依家嘅美股就似我哋去年牛年嘅港股，有少少消息風吹草動，就會跌到一仆一碌。
我年頭都同大家講，去年全世界升港股跌，今年反而港股唔使驚，後來仲落實叫美股轉港股，幸不辱命，到現在為止，港股比年頭仲升緊千幾點，上星期於25000點反覆上落，所寫的個股版塊表現不錯。美股咁跌法，週五夜期相對比較淡定，最多跌過只有百幾點，收係24700之上， 俄烏緊張局勢，話幾日內俄羅斯就入侵烏克蘭，又話提前加息，正好比個考驗港股，如果咁樣都能夠陽燭升穿25057 ，咁唔使諗，人崩我唔崩，人跌我仲升，今年港股有運行；但如果港股始終都要被拖累陰燭收低於24649，咁就要回下，儲多D力才可再上，現在適宜靜觀其變，睇位做人。
做嘅野好簡單，上下有位，可到位附近兩邊博，炒個股的一係等大市穿位後大買特買；對今年港股非常樂觀的，就等跌得夠低，242xx附近開始撈了。板塊好多訊息，俄烏緊張最爆就係油價，國際油價急升逾3%，高見95美元之上，今日開市要望實油汽油服股，中海油#883#857之前有食，都有興趣入番。上星期話阿里巴巴#9988現價又抵又值博，買得平過芒格好多，暫ATM中，有機表現最強最穩，結果星期五仲有得微升，而其他中概股表現亦底氣已近。
星期五個市就係靠內房內險抵銷大部分跌幅。內房政策趨向放鬆又再出利好，中海外#688再創52周高；華潤置地gap up升2%之後要回下，可以搵位食少少，部署下一啲圖表轉勢的民企內房，如中國金茂#817、世茂#813，萬科#2202等，據消息銀行審批放款進度加快下傳給現金流特別緊張的民企內房，資金都在流入，所以刺激低殘的小房企估價，反彈得越勁。
物管股其實反彈得仲勁，有實力的龍頭碧桂園服務#6098已收購中梁物業全部股權，星期五爆升要跟進。除了保利物業係#6049，金科服務#9666和融創服務#1516，近期亦加入了北水愛股之列，各升10%及6%，不過，中堅位置仍是華潤萬象生活#1209。
內房回緩勢牽動建築股加速向上，有政策加大對保障性租賃住房發展的支持力度，內地掀起保障房建設大潮，作為房建工程龍頭之中國建築#3311及中環控股#1735可以直接受益，可以見到兩隻股都被加速炒起，幾個月之前喺低位已經經常提及，希望你有關注。
金融股續受捧，尤其是內險，話咗估值平大翻身，中國平安#2318升到近70蚊，到中國人壽#2628爆雷，加速升越250天，好耐都冇見過，今次應該會再炒一炒，還有內銀郵儲行#1658、交行#3328、中行#3988皆錄得52周高，招商銀行#3968好快會趕上，始終又平又高息，正是市場所需。
此外，國家大力發展數字貿易，打造數字貿易科技，A股炒得火熱。而數字貿易大致分爲數字營銷、移動支付、數字產品和服務平台。近期不斷有相關利好推出，除咗上星期有提過創新高的#856偉仕佳杰之外，仲有一隻比較少人講的金邦達寶嘉#3315主要提供智能安全支付，嵌入式軟件和安全支付產品，仲有數字支付錢包的support，上星期已見大升，而網上平台及遊戲就關注緊#9911赤子城科技，其海外業績有突破，圖表亦正在向250天發力。
通脹壓力可見短期內不易紓緩，上星期因政策關注煤價食咗煤炭股，但係不跌反升，根本壓不住，市場資金又不斷加倉中國神華#1088、中海油#883等都係買反揸住免走甩，升勢有望持續。
士佳說 - 張士佳 舊文
本文作轉載及備份之用 來源 source: http://skycheung.weebly.com
