士佳說 - 張士佳 2022年3月24日
【#士佳說 】張士佳：拉牛上樹
【#士佳說 】張士佳：拉牛上樹
尋日大市繼續chok，但頻率及波幅逐步減細中，我冇乜特別落注，大市系阿里#9988、小米#1810大型回購護盤之下，指數挾高近21400，補左回3月4同3月7兩個下跌裂口，但靠回購挾高，我買唔落手，（阿里只有當日買低芒格$40當捧塲的一注，居然有錢賺，阿里近日真利害），回購買唔落手，當日蘋果不是回購狂升嗎？錦上添花冇蟹貨可以，股票場上雪中送炭較少，所以我全日只炒了#772，加左少少澳門及氫氣股，等大市升到冇乜力，就短沽期指，近尾市騰訊#700業績公佈後，就逐步回落，指數收長上影，回番去開市附近。尋晚騰訊ADR要回去374蚊，美大市回跌400幾點，但係夜期又吾係好跟跌，所以今日開市主要睇下市場對騰訊份業務的反應，低開得幾多後仲會唔會繼續跌，會唔會有錢買番上，都幾影響指數之後既走勢。
咁點解我會揀223xx沽空呢，當中有3個原因，1）前晚澤連斯基講到可以妥協答允不加入北約，市場有反應由低升上去1200點，到223xx，如果係平時睇升幅算強架喇，但係近日嘅波幅嚟講就算升得慢，因為當中再夾雜住挾阿里，近日最高係21985，佢夾雜咁多好消息，要陽燭收高於21985都感覺有點拉牛上樹，所以我計到水位夠就喺223xx沽；2）拜登去歐洲，我參考師奶May性格，去到Chloe屋企就死曬狗，喺其他師奶面前，就扮曬一姐，等班太太團對付Swan，精人出口就笨人出手，人同此心，所以我估拜登都冇好嘢講，唔敢買上，加上3）騰訊業績前就梗係睇沽啦，巨額罰款前業績按你唔會特別好掛，風高浪急唔敢立亂叫人沽空，我都係同事提下D學生走貨而已。
結果，騰訊業績又真係「造」得幾差，第四季營收僅按年升8%，增速系上市以來新低，略低於市場預期，比較上季盈利連續兩個季度倒退，亦是近十年最差的季度增長。當中收益已包括京東#9618的收益782億元，所以實際騰訊收益都係唔係咁多，主要由於網絡廣告業務跌得多，金融科技服務成爲騰訊第一大收入貢獻。仲未有宣佈再回購，罰款前回購好多嘅話咪即係抌錢落海，按道理有都係係咁意，真正做嘅都等罰款後啦。
另中移動#941的業績就簡單得多，第四季營收增長10%，末期息增長38%，全年派息4蚊，股息率有7.5厘。市場應該收貨，照咁睇，中移動前景反而可靠過騰訊，喺市場風高浪急底下，或許市場先揀穩陣收息，所以中移動股價近日炒起咗咁多。
阿里#9988因擴大回購由150億美元提高至250億美元而持續炒起，爲中國股票最大的一筆回購計劃，相當於目前阿里總市值的9%，六日升65%。尼股力度係夾起近兩日指數去22000樓上很大原因之一，阿里升到咁上下，總要回一回氣。
至於中興#763，尋日下午復牌，終於解封，緩刑期屆滿且不附加任何處罰，猶記得2017年自從中興被罰差唔多九億美元，之後股價就一直沉淪，有幾廿蚊跌到去得幾蚊，現在終於得到放監，暫放行中國企業，對中概股的態度的扮野轉變，咪又係為下次玩野，製造籌碼，所以㝷晚美股Futu彈到44.16我話學生知我減持了，賺3成都好，Kc都食埋，賺一倍了；但話分兩頭，短線咪由得佢彈住先囉，我買咗熊嘅2269，業績咁好就放佢走走位，（free貨冇晒咁滯）但唔會死心，遲D會搵位再沽過，咁既然曾經受到壓制的CXO股郚都好番，半導體股芯片等potential 被制股，近日看高一綫，聽日星期五做Sun channel講多些少。
市場焦點放佐系拜登出訪歐盟北約組織七大工業國，商討禁止進口俄羅斯能源，油價尋日已經敏感定先再度抽升破115美元，今日留意下油股有冇異動先。不過俄羅斯總統普京都吾係省油燈，話歐美""不友好國家""仲繼續買我的天然氣，就要以盧布結算，即係佢哋要買返俄羅斯貨幣，尼招都幾絕。
呢兩日觀察大市消息為主，手上股票期指食糊多個買，仲有騰訊put做對沖，今日如果股價跌得多會先食啲；另外，話分兩頭，上面講左咁多睇淡既原因，騰訊又出埋業績唔係幾好，咁如果大市都做好，收高於22399樓上，就要積極買番D野，我做左好多功課，聽朝Sun Channel再講。
士佳說 - 張士佳 舊文
本文作轉載及備份之用 來源 source: http://skycheung.weebly.com
