士佳說 - 張士佳 2022年4月6日
【#士佳說 】張士佳：心清數熟，不難拆局
【#士佳說 】張士佳：心清數熟，不難拆局
今個星期之前，每次到223xx，我都做淡，次次都搵到食，皆因睇到22399係位，唔易一兩次攻破，前日（星期一）我用“久攻之下“為題，事先聲明今轉到223xx，唔會再做淡，結果到週一晚升到上226xx添，轉轉博唔突破都得手，唯獨突破那次就唔博，有同學問我係咪收到風娥君撤退，我又邊有咁把炮？其實唔做功課，邊度可以日日喺度寫，但我知好多朋友都唔知做乜功課？今日我講少少。
做功課可以條條大路通羅馬，不同派別有不同技巧，我呢派就要有lego大前提+時機做反常，近日其實唔算多個股有皇者表現，正常恒指在高位理應回吐，但跌極唔落，究竟係在高位托指數散貨還是醞釀挾指數呢？大前提係捉方向，要捉挾，梗係睇恒指成份股，期指話跌唔多跌，但又遲遲未創一月新高，然＃941中移、＃1398工行竟然做出飛機質變（見圖一），係一月大跌以來首次；＃0005滙豐直頭做埋投石車（見圖二），係半年來首次質變，都創一月新高，方向係向上的，咁向上，你又做幾轉沽，就係向上先要沽，由18200上來一口氣，點有力升上去，一定要沽幾轉等散戶大方向睇淡才有得挾；第二步就要揾時機，揾時機亦要心清數熟，大市期指過去幾個月從未見過幾様野齊齊發生：1.裂口低開；2.本門學生朝早投票7成幾估散戶睇陰燭，咁我哋估陽燭收市多；3.真係收陽燭；4.仲要係收穿埋前一日收市，大跌以嚟都未見過，上星期五做到曬，你叫我果日仲點會做淡呢！對嗎？
(圖一﹕＃941 及＃1398)
(圖二﹕＃5)
(圖三﹕恒指期貨)
學到少少野，又到核突廣告時間，好多人問我幾時開番班，想趁仲算低買野，近嘞，你standby住先啦，link﹕https://bit.ly/3NQMSKM👈🏼👈🏼👈🏼）
咦，尋晚跌噃，唉，挾到226xx，如果你22300沽左，都挾瓜左啦，現在後市看係挾還是真升，就先睇ATM，騰訊阿里巴巴都冇做到質變，唯獨3690美團有出飛機，（不枉我對佢情有獨鍾，對冲沽都係沽一日，
#3690一陣間再講），講番個市先，如果係托市出貨，噉梗係出最多人買又最弱嗰啲，當數騰訊阿裏巴巴，如果連最弱嗰啲都質變，就唔係出貨啦，呢一點大家一定要跟進。
可以從新開始講返多些冧把，美團雖然未有回購，但冇中概股風險的影響下，業績後重新跑贏，反彈得最快。騰訊及阿里巴巴雖然不斷回購，但上升動力就遠不及美團了，相對變成落後，今轉反彈吾炒落後，要炒跑得最快跑贏大市果啲。
中央力挺內房地產，整個板塊力量結集，先解決民企內房債，如停牌嘅融創債務陸續獲得展期甚至融資。浙江衢州市樓市全面取消限售及限購令，內房股受到連番吹暖風，除了國企內房中海外#688、華潤置地#1109穩步上揚之外，還有早前唔想點提冧巴都忍唔住講嘅綠城中國#3900，率先破頂，冇點大家啦。
另，特別注目的是之前跌得跨，然後急彈得仲誇的一線民企，近幾日一升就升2成，如金茂萬科等，非常誇張，追吾切又想參與博內房反彈幅度的，可以趁市跌搵下有實力通過收購而壯大的如碧桂園#2007，或有分拆物管題材而得益的中國金茂#816，及#884旭輝發行CB再融資，這些都是有能力度過國房行業低迷時期的，反彈力會相當不錯，事實上資金系內房板買得幾急，等埋北水返嚟，相信有炒味。
除了內房，今次博大股彈，#1211比亞迪似再彈多啲，資料話比亞迪宣佈3月起停止燃油汽車生產，想要增加新能源汽車的市場滲透率，事實上比亞迪3月產銷汽車同比增長180%係同業最多。值得留意，新能源電動車年初股價下跌好大程度上係反映同消化加價潮影響銷售的原因，但銷售數據證明加價可以抵資源價格成本上升。比亞迪星期一升8%，直接衝上250天，比起ATM科技股同大市，率先彈上250天之余，留意指數穿底去18300時，比亞迪股價仲未穿之前底$138.4，最低只是做過$165。今日吼有冇得回下，低啲買等中線，收穿210蚊止蝕。
關注上海疫情，唔係怕有幾嚴重，雷霆萬軍般有成上萬名醫護人員飛馳到上海救援，一日做晒檢測，唔同香港又話唔做又話做又唔做咁，相信疫情佢好快控制得到。mRNA疫苗非常搶手，好多疫苗等批准臨牀試驗，一旦成功通過，就是最重要的藥苗國產替代。相關歌禮制藥#1672，其重要新冠藥物成份利托那韋片在香港申請上市，應該唔難批，等股價反映吧，等突破6.15先買，會再挑戰前頂。BioNTech疫苗大中華地區代理商，復星醫藥#2196都在等復必泰的批覆，星期一單日炒高逾一成二去到250天，等再突破先再追。
在等突破當中，醫藥股板塊，有隻圖表及股價都跑贏大市的#1877君實生物，剛剛星期一做了支持，升上來，又貪佢止蝕位夠近52蚊。收市有消息指其抗CD112R單克隆抗體注射液用於治療晚期實體瘤的臨牀試驗申請獲得FDA批准。
在業績高峰期尋寶，有優秀業績支持下造到有lego（飛機大炮投石車）再加埋特定條件靚仔陽燭，跑贏大市升幅，會係今次反彈優先考慮的股票，用此準則埋手，亦不難發現有些股已經率先走出自身趨勢。
士佳說 - 張士佳 舊文
本文作轉載及備份之用 來源 source: http://skycheung.weebly.com
