大行寫樓市評論專家是很年輕
大行寫樓市評論專家是很年輕
有大行表示，在未來4年，樓價會下跌18%。(資料圖片)
有老友同我講，樓市一定會下跌，除了香港本身移民之外，國內的購買力亦下降。美國聯儲局加息、新樓有大量庫存，不過，那些都不是最重要理由，有大行表示，在未來4年，樓價會下跌18%
，大行一定有確實資料，非常精準來預測樓市，所以樓市會下跌，但不是大跌，除非有更多不利香港因素出現。
老友的說話令我想起初入行的時候，有一日發覺一個來了香港不夠半年的外國人寫評論香港樓市文章，於是我同佢講，閣下連北角北潭湧都未分得清楚，又點可以寫評論樓市文章。老外話，天下文章一大抄，評論樓市的文章有一條物質不變定律，就是短期跌，長遠升，就算是樓市處於上升期，但一年內出現回調絕對不出奇。就算唔跌，業主是不會詐型，最多是笑下那位評論員，至於講到10年咁耐，相信有九成以上機會上升，所以，有了這個定論，寫評論文章時避重就輕，隨時準過印度神童。
我有時見到一些大行評論文章講樓市長遠會下跌，於是又問他，老外話，人不為己，天誅地滅，當大行覺得樓市前景不錯，他們反而會講樓市遠期會下跌，如果講樓市長遠必升，又點會有人賣樓，大行又怎樣入市。
Recall一輪回憶之後，於是同老友講，大行評論樓市的專家太過年輕，老友亦同意，以為年輕專家唔知道樓市長遠必升，老友有些少誤會，老手唔會話樓市長遠下跌。故此將那些評論交給一些新秀去處理，新秀在精打細算之後，便得出一個樓市在未來4年會下跌18%結果，大行的評論會不會令到一些業主賣樓，我認為要賣樓的業主就會賣樓，不會因為一個評論而賣樓。畢竟影響樓市還有很多因素，最重要的是個人財力，其他都只有參考價值。
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
