士佳說 - 張士佳 2022年5月16日
【#士佳說 】張士佳：解封大蛋糕
【#士佳說 】張士佳：解封大蛋糕
上星期港股嘅反彈力度比美股強得多，美股穿曬底，反而港股冇再穿底，夜期曾經兩次跌到我先前19000點的目標附近，我懶穩陣，想等穿一穿19000買，錯失了星期五的大反彈，早知唔好咁孤寒，今日開市指數都應該會係夜期高位，20000點以上，共同富裕先把蛋糕做大，應唔止咁吧！？
美團#3690跟得晤錯，指數係19000-20000點橫行，美團亦係145-175之間反覆上落，等突破，科技股反彈或會成爲推高指數的關鍵，但上週五我猜不是這個原因，所以同學生講，我估市場在炒上海解封，幸運地，週六就傳來了這個消息。
上海的疫情數字大幅回降，有所緩解，開始分階段復開百貨，零售餐飲、出遊等。尤記得之前隻#2255海昌公園中左止賺走位，之後都跌唔多，今次應受惠。餐飲就繼續留意之前有提及的#9922 九毛九，一直冇咩升跌，浮浮沉沉等疫情解封，但支持位就一個高於一個，比起海底撈更受歡迎。
上海工業地區金山工業園都陸續復工復產，復工工業概念的有#1385上海復旦，近星期走勢一直比大市強，連續六日陽燭，都似等復工消息，但其他芯片股近＃981中芯國際、#1347華虹股价差一大截，皆因上海復旦唔淨係得芯片，喺國內A股的688385.SH 復旦微電公司，近日推出了電壓存儲器，可滿足電錶儀器、5G通訊、車載，汽車零件半導體等需求，仲發展緊手機攝像頭模組市場咁話。復工固然對工廠生產提振有利，相信中國於疫後會有更多政策措施接連出台，重振工業經濟。
例如新能源汽車工業製造，AH股的汽車產業板塊繼續反彈，同新一輪汽車下鄉政策及補貼有關，而且新能源電動車的銷售數字冇乜受疫情影響，節節增長，尤其是#1211比亞迪，之前受工廠有毒氣體毒害兒童事件影響而gap down 大跌，但兩三日就修復了，仲升返有凸，但分拆比亞迪半導體一事，遭中證監問詢 質疑是否具備獨立面向市場獲取客戶的能力提出質疑，痴住250 天唔諗。
要留意北京仍有多個案隱藏傳播鏈，不過，經過今次上海封城的經驗，中央重新調整防疫策略，如分區管控，未必會作全城封控，這些新策略都是想減低疫控工作對經濟帶來的衝擊。既然消息不斷，股都係輪住炒，有啲股之前跌落去支持想再回升，自然會有啲股喺高想回下唞唞，睇返手上#1729匯聚科技，#330思捷環球，高位破頂都連續兩支陰燭，不妨食下，要符合之前低揸高平的策略。
國際局勢方面，俄羅斯系日前11号發佈一份新的制裁清單，涉及31家歐美德國等在俄羅斯的天然氣工業，加大對其削減天然氣供應，歐洲天然氣期貨價格累積上升超過20%，至113.50歐元/兆瓦時。英國天然氣期貨價格一度更累積暴升40%。涉及相關港股天然氣有即時反應的有一衆煤炭股及中遠海能#1138等。
中遠海能#1138之前係相對高位有提大家食糊，一直等機會買返。星期五的靚仔大陽燭升穿之前阻力，我買番第一時間同學生分享/分擔（賺就分享，否則係分擔）。事後睇資料，原來中遠海能加快做船，有消息與滬東中華造船及中船貿易訂立造船合約，多建造兩艘LNG船舶。其實中遠海能受惠兩方面，國際互相制裁油燃氣短缺，要求其他地方盡快出入口，加速其運油運力需求，加上隨著疫情解封，產業鏈的復工，下半年的出口及集裝箱航運旺季將提早加快來到，推升運價的上漲。波羅的海乾散貨運價指數連升9日，航運股都有啲支持力跑出，同時間，#316東方海外急升，太平洋航運#2343都不錯，兩隻都等多支陽燭升穿星期五高位更佳。
跟進下煤炭股消息，能源局聯發通知，明確支持煤炭清潔高效利用，及再貸款額度增加1000億元，總共3000億專門用於同煤炭開發使用和增強煤炭儲備能力。其實中央雖然一面限制煤價於合理區間運行，又一面擴張供應，支持開採，需求又繼續推高國內煤價，低估值的煤企依然吸引力，如易大宗#1733之類，但係如果吾想太受限煤價影響既，我仍然會揀返兗煤澳大利亞#3668，伊泰煤炭#3948等，有貨在等著。
本地股方面，誠哥三寶仍然亮麗，大家都知我都經常提逢低儲啲#1113長實，上個星期都比較多消息，除咗誠哥不斷回購長實之外，仲有意在亞洲加大投資，擴大業務, 例如喺國內投地，在新加坡開設辦事處等，之前側重係英國嘅業務都已賣盤回流亞洲國內，值得留意。市場更加看重長江基建業務#1038，更意想不到近期長江基建的收購項目都未見成功，但星期五破頂的走勢比長實還要靚，咁強勢，等回一回先吼位買。。
現時大市橫行，可以係陷阱又或是機會處處，但蛋糕做大輪，又令人生遐想，所以我仍信基建股，仍持有830；此外，現階段嘗試尋其他寶，圖表形態多參考支持位信號，升穿幾日前阻力，最好帶有蕉皮的，加埋能量green bar，我就會先入一注。
士佳說 - 張士佳 舊文
本文作轉載及備份之用 來源 source: http://skycheung.weebly.com
