士佳說 - 張士佳 2022年5月19日
【#士佳說 】張士佳：滯脹下，睇疍糕發唔發得起？
【#士佳說 】張士佳：滯脹下，睇疍糕發唔發得起？
尋晚美市擔心經濟衰退面臨滯脹，Dow再爆跌過1200點，納指勁跌5%，今次是美證監調查WhatsApp等平台上的秘密通訊，涉及商業違規訊息等。港股夜期不能倖免，要跌番400幾點，又要由20000點頭附近再行過。
見升睇升，見跌跌睇無乜用，不如想番大跌前點睇，再對比現在情況，從中再推敲，前晚我有上堂，堂上我估美股仲要跌，未算跌得多，尤其科技股，因為大升怕龍回頭，上潮升市tsla是股皇，牛市最怕股皇回落，粉絲實知我對近日的tsla冇好感，亦唔like fanng，納指仲要跌，要買就買oxy，weat；而港股我睇相對稍強，我睇21300左右，但就以股為主，少碰指數，炒上海復甦，除美團外，少踫港科網股，美團也以長坐正股為主，冇坐幾年心理準備唔好揸，昨日叫大家美團牛不高追，就係怕左700業績等，要買就買內地放心少鑒管的，香港則以傳統股較穩，超人唔錯，港交所似扶不起的阿斗，車股係霎眼驕，小心下月車展后走勢，汽車下鄕，揾來揾去得305似樣D，其他只係觀察，港股主力買唔関事的細股，大股中941/883反比科網股穩，大市有彈未似升，因未見有大股股皇出現云云。
睇番轉頭，以上言論暫有啱有錯，睇衰美股暫啱，睇港股上番21300暫錯，現在係美股拖落水vs做大蛋糕加上海復甦，今日回來是考驗港股之時，睇港股追番跌還是比昨晚夜期跌四五百點彈番些，尤其#700，盈利大跌23%，按年增長只有0.12%近全消，咁多年來都未試過咁失威，不過市場都預左遊戲版號仲未正式開放，未成年人禁濫打機，網絡媒體廣告受監管....騰訊ADR要跌6.5%，今日低開，可以睇睇市場price in夠未，又正好睇睇大市有冇支持力。
前兩日買多左股，現信怕捱，但自己都違反左港股常態，近日大升少D冧把怕高追，大跌就攝手攝腳買，賊佬試沙煲，才係港股的常態，無跟足路，就唯有捱，好在注碼放唔多，今日大跌，會試攝手攝腳鬼鬼鼠鼠買，睇下些先前優於大市的個股，跌咗落嚟，在回調中率先找到支持，有大力反弹的，或率先成寵兒，#941中移動在跌市中的防守力都見識過，加上國內大力發展5G及巨量算數，點會少得龍頭中移動。仲有派息高，現價股息率仍有7.7，下星期三除淨前，已有資金偷步買入， 現在仍相對低位，今日回來，大市下跌，唔敢試多，最多捧下場，今日開市价陰燭跌$3止蝕。
睇多些唔関事嘅，開拓藥業-B #9939尋日顯著回彈，升16%。據消息，其生產的普克魯胺降低covid病毒載量，對中高年齡患者達到100%保護率，今日觀察下會唔會又優於大市，如是者，膽生毛嘅，擺低$19.3止蝕，吼回揾位買。
新創建集團#659，發佈將實施一項不多於3億美元股份回購計劃，近期計劃動作多多，如收購成都及武漢的六項物流物業地皮發展logistic，市場睇好其前景。股價尋日大gap up由頭升到尾8%，可惜痴實250天線，未敢追，但就睇到大市回，市場圍爐公用股，大公司現回購要睇，更要睇外圍引起的反覆波動，是港股尋找支持的試金石，睇下陸續放寬監管及經濟政策，能否頂住外圍的滯脹。
士佳說 - 張士佳 舊文
本文作轉載及備份之用 來源 source: http://skycheung.weebly.com
