士佳說 - 張士佳 2022年6月14日
【#士佳說 】張士佳：續炒大市唔相關股
【#士佳說 】張士佳：續炒大市唔相關股
尋日寫了避左市跌，慢慢補回，炒些同市不相關的，尋日結文特登提教育股，希望你有所領會。
都係先寫大市，對大市感覺唔好唔差，走到個頂后自問唔太識睇，無乜落注，上週都short 左put，週五大市反彈到21770左右，11:36時，在學生群組提係時候食糊了，應該走正全日最高位，但在本欄無法通報，我又唔覺會跌好多，我自已都無食，諗住同粉絲同步，注碼唔多由得佢先，昨日跌得比預期多，好在9988開有淡倉，同股票生性，唔緊要，捱住先。
尋晚美股又再跌多800幾點，好似倒水，不枉我一直睇衰佢，尋晚佢由比特幣虛擬貨幣破底價領跌，跌到只有2萬幾美元，創下2020年12月以來最低位。加上債息急升去近3.5里，對科技股更不利，好多人想撈底，問我底在那，倒水咁，我鬼知咩，姑且斷估一下，以我用開標普期貨來計，2020年疫症初襲美國倒水，由3397跌到2174，跌咗指數嘅36%，嗰次跌得急，今次跌得比較慢，老行尊講過「急跌會突停，慢跌遲見底」，從巴仙去計，今次應跌多過36巴仙，最高4808，執筆時3773，即係3077，嘩過分咗啲喔，但基數大同基數細又唔可以同一計%，但如果純以點數計上次跌千二點，即係今次點都要跌到3600樓下，橫睇掂睇都有一段跌。
港股相對冇咁悲觀，因為美股大跌之前炒高曬，我哋都冇乜點炒過，所以我唔係好驚，不過都係炒啲不相干嘅著數啲，尋日開市前專登插喺尾段嘅教育股就係一例，冇講教育股成幾個月了，新東方在線#1797連升五六日吸引眼球，所以特登寫，開市已升左3成幾，資金湧入，純炒俞敏洪人氣而上，佢一路教英文一路推廣新東方優質的教育，已連做三場，直播fans 高達130萬人，炒得火熱，股價急升，升75%時，我在學生群組講講升到100%先食，無巧不成話，剛好100巴仙就回頭，由教育股轉型雙語帶貨平台，值得後面觀察更多訊號同再入市方法，不過暫時唔炒呢隻先，嚟緊就算破頂都摣實中指唔炒佢，三日升兩倍幾，等佢消化左近日嘅升幅先。
新東方在線躍起，帶動了整個教育板塊，其母公司新東方#9901都炒高13%；新高教#2001升4.6%，但係今次係耖直播唔係耖教育，所以小心誤中副車，連我較細市值的#1969中國春來都被叫醒，我在Sun Channel節目講過呢隻老牌民辦教育，話不妨吼低關注，我2.3撈咗，一路跌都冇乜起色，尋日突然跟升，我驚唔中副車所以冇加注，唯有用set1.89陰燭跌穿止蝕就算，睇下點！？
此外，尋日手上車股及設備股給力，逆市之下都有好表現，長城汽車#2333有回購股價相對硬淨有得升，#558力勁仲有後勁升多6%，而#305五菱汽車更去到了目標之一的250天，後兩者如今日陰可以考慮再食啲。
市跌，怕被美股拖累，又可以吼下誠哥三寶，公用股電能#006 ，長建#1038及#1113長實 ，成分股得呢幾隻有得升。還留意到氫氣東嶽集團#189升到5%，炒 PVDF同機硅價格價格高企，尼隻又會否死恢復燃呢？講死灰復燃，我即刻睇返建滔系，嘩升得好癲喔，留意下先。
港股今次主升浪的上升動力ATMJ，全線回得較深，而金融內房股跌勢亦顯著。面對外圍弱勢，指數回得急，2日已抹去7日升幅，今日如再多個裂口低開，理應下跌，但大市跌得咁急，陽燭我反會買番D，今日6月14，離七月還遠嗎？
士佳說 - 張士佳 舊文
本文作轉載及備份之用 來源 source: http://skycheung.weebly.com
