【#士佳說 】張士佳：尋晚錄定音
【#士佳說 】張士佳：尋晚錄定音
Sky 工作室 · 士佳說 20.6.2022
上星期我睇港股唔會被美股拖死，週五最後一句“睇嚇港股點樣掙紮求存”，大家自應心領神會，幸不辱命，港大市一個字“穩”而已，不至大升，我試炒些與同大市不太相關的個股，有教育
，氫氣，鐘錶，電等，都嘗有甜頭。
不過，短線相對突出的是京東#9618，在炒618大消費，weekend出來銷售數據超爆18倍，仲有京東內部重組架構消息，整合京喜事業群，而京東零售CEO辛利軍話考慮加入外賣業務戰團。咦！咁美團又多個競爭對手喎，睇嚟近期科網股，只有京東同美團強強對手在較量。多重利好消息下，京東有可能會繼續再炒多一段，星期五股價率先有力升穿前阻力，睇下今日有冇機會吼位買番，博上250天先，用前底240左右做止蝕。
阿里巴巴#9988的螞蟻重新上市消息又玩野，上次系Bloomberg，今次係路透社引述，話央行已受理螞蟻集團成立金融控股公司的申請，盤前大升1成，拉埋其子上到22200，我有買9988熊，當其時升11%時，我在同一學生隊啤，我都有諗應唔應該做返啲嘢，但諗落買熊，唔直接在美沽baba，就係貪熊證輸曬就係咁多，當時又未水落石出，我再諗一諗，就冇理到佢，之後輪到內媒回應沒有受理螞蟻集團設立金融控股公司申請，但今次氣氛就似乎是唔想畀人知多過出來澄清，甚耐人尋味。BABA美股升幅即時縮水，升不足1%，ADR100蚊左右，手上巴巴熊仍有微利，如果今日低開市仲跌唔穿之前低位97蚊，減半先。我雖然次次都唔信咁快又轉機，不過再有下次我就會信，唔會次次都話假，似內有玄機。
美股電動汽車生產商Lucid Energy Group被 Targa Resource Corp收購，汽車中概股蔚來汽車 NIO.US，理想汽車 LI.US，小鵬汽車 XPEV .US 爆升5-6%。其實上兩個星期已經留意到造車新勢力走強，當中H股理想汽車#2015反彈8%，不過升到咁高，吼回先考慮。手上有#2333長城，雖然回下又升下，慢升格局揸得的較穩，都不錯。不過，我仍會吼住蔚來汽車#9866，若陽破166.5會考慮博注向前頂一段，
政策消息刺激本港電動車股向上，又受益電動車換車換電大趨勢，對鋰電原料能源，儲能等高需求。據原都價格資料顯示，金屬鋰價格爲299萬元/噸，電池級碳酸鋰價格達46萬元/噸，創近月新高，低庫存及新能源汽車旺盛需求都爲鋰價帶來高位支持，留意上遊產業鏈的寧德時代300750.SZ，贛鋒鋰業A股 2460.SZ ，同H股的贛鋒鋰業 #1772星期五同時都有些瞄頭升6% ，向250天綫進發。
見到英恆科技#1760星期五放量升13%，都怪自己無跟足圖，連三枝能量綠bar測試都冇留意，抵打！資料話 英恆科技是國內汽車OEM廠商的汽車電子供應商，智能化產品包括自動駕駛領域的域控制器、車聯網控制器、網關控制器及雷達等，2021年，其中新能源業務上半年增長達179%。圖表比鋰業股跑得快，10日升了5成，越睇越嬲，若果有回都不沾250天而再上，可以再關注。
上個星期教育股爆炒，幅度幾倍咁升，皆因股值低殘，熱錢湧入。市場食髓會知味，所以叫同事幫手揾番性價比較高的弱勢來望望。
近期某些創新藥、生科、醫療設備與服務等有顯著反彈，如華潤醫藥#3320，尼隻行得較慢又悶，等左成個月，尋日一度升15%破一年高，當日4.5左右講，如有楂住先，博慢慢行出趨勢，資料話佢蟬聯2021年中國城市實體藥店最暢銷企業榜首，銷售額唯一破百億的企業，相信能夠帶起整體中藥股嘅氣氛，如#3613同仁堂科技、#874白雲山等都可以做下功課。
醫療設備股當中近日最強，為復銳醫療科技#1696，星期五再升19% ，6月內升近1倍，其宣佈正在英國建立直銷業務例如個人護理、注射填充及美容牙科，所以大炒。再觀察其他創新藥生科藥股圖表，跟復銳醫療科技相似，又有底部支持的都有吾少，如亞盛醫藥-B#6855 有淋巴瘤療程的積極臨牀數據消息而升7%，微創醫療#853受惠#2252微創機械人新技術帶起升9%，中國生物製藥#1177升4%，以至平台醫網京東健康#6618等，都似乎都有錢部署，值得跟進，有機會成為下個輪動板塊。
另外，在錄音有講多好多隻，都係破位先至買嘅，有時間不妨聽下。
假如今個星期美股可以開始係低位喘穩，至少短期吾大跌，或會成為港股助力，掙紮過後，期待再上遊一段。
美國收水猛通脹搞吾掂，內地放水又有政策扶持頂住經濟，中港股市表現相對美股較穩較強，資本係不會跑錯地方的，俄羅斯資金話要進入港股市場。具體名單有12隻，當中包括ATMXJ，似乎開始對中資科技股另眼相看，開始低吸，不過都唔知道係幫手定踩多腳，行得咁埋將來都幾難唔好美帝制裁，加上大股層層蟹貨，大升路途仍相當遙遠。
士佳說 - 張士佳 舊文
本文作轉載及備份之用 來源 source: http://skycheung.weebly.com
