【#士佳說 】張士佳： 穩中求勝，板塊輪動
【#士佳說 】張士佳： 穩中求勝，板塊輪動
Sky 工作室 · 士佳說 21.06.2022
尋日港股就繼續走"穩"的行情趨勢。週末 Bitcoin 爆跌過去18000美元附近，影響環球股市氣氛，不過對港股受影響有限。
因目前還未有受理螞蟻
設金控公司申請，阿里巴巴#9988開市一度跌$100，但無去低於$97，按照策略食半熊仔。同埋叫候京東 #9618昨日回調上車，好幸運，佢最低跌到243.2 ，有聽話上車嘅都唔錯收市去返254.4。尋日有睇嘅新能源汽車三寶，股價絕塵而去大幅造好，小鵬汽車#9868升13%、蔚來#9866升10%破了166阻力了，有跟進而買，理想汽車#2015更高不可攀，齊齊帶動科指回穩。
先前新東方升後到教育股，我就已告誡大家，被監管板塊會逐一鬆綁，有一日，我主題直程用鬆綁市來形容添，我想大家心中一定瞄著內房物管，結果尋日就來了，唔知道後續力量有幾多，但既然早有準備，一鬱就上車，6月上半月貝殼#2423，在50城二手房日均成交量較5月日均水平超過20%，貝作爲中國最大的線上和線下住房交易服務平臺，地產中介經紀業務將繼續於中國各地擴大服務，尋日股價再破頂。同時#1755 新城悅服務及#3900綠城中國勁升，有靚仔大陽燭，博內房物管落後又有鬆綁政策嘅，可以睇下股價有冇後續發展。
既然是資金輪動，指數又冇走樣，即係有些sectors 會被暫時獲利回吐，今次是商品油煤等。美國加緊了加息步伐，往後加0.75里的概率依然很大，令大宗商品帶來了壓力，油氣，煤炭、有色金屬等尋日都要捱打擊。加上中央發改委又出來壓媒價，整個媒板塊要調整，首鋼資源#639同易大宗#1733僥倖地之前係較高位置有食到，但手上仍有兗礦澳大利亞煤#3668都離不開要跟跌，考驗出售價$28.27，如果穿了可以避下先，但再考慮埋到有大前提底下，會給止蝕價寬鬆點，如果陰燭穿埋25.7我先走喇。煤價跌，推動電力股升，希望可以靠手上的#2380中國電力回補少少煤的波幅。另外#1385上海復旦上兩次升到30蚊左右冇食，衰貪心博再行多段，但尋日回得較深就頂唔順止蝕咗先了。
我尋日話企穩有機會再升多啲啲，尋晚冇美市，港股可以行獨立行情，暫時仲係穩穩陣陣，係21,000點附近儲力，近日仲有天齊鋰業IPO來港集資10億美元，希望可以帶起港股熱鬧氣氛，再炒多陣。
但留意一下傳染性極強的新冠病毒變異株 Omicron BA.4，BA5，又正導致歐洲國家的感染及住院人數激增，甚至連澳門都爆發疫情，有關無關嘅藥苗股都正在蠢蠢欲動，有啲A股更漲停，唔知隻1177咁鬼多藥有冇嘢幫到手，可以做下功課，我偏向正面。
士佳說 - 張士佳 舊文
本文作轉載及備份之用 來源 source: http://skycheung.weebly.com
