【平民投資教室】錢俊：發夢前宜客觀做功課分析
平民投資教室
日期：2022-08-23
更新時間：15:50:46
上周所有焦點都係柬埔寨賣豬仔。騙徒先以高達港幣五六萬以上月薪兼包食包住，誘騙事主 到東南亞，最後被禁固做電騙工作甚至遇害。
騙子當然唔道德，但都反映受騙者對陳述嘅美夢未
有做好分析。比如今次事件，有商家表示東 南亞設廠就算招聘海外技術人員，月薪都只係兩至四萬港紙，未有技術資格及經驗根本唔洗 諗。
香港投資者何嘗唔係成日中伏？不時有人或KOL說你跟佢投資，可以每年賺幾十個百分比， 事實又係唔係咁易？以美股標普500指數嚟睇，過去十年嘅年回報率約16%，已經差唔多係持 續表現最好嘅主要市場同資產。話你知輕易就賺到呢個數以上嘅投資都要諗下先。
今年年初亦有報告指，去年79%投資基金表現都比標普500指數差，同時亦係連續第十二年多 於一半大型股基金表現差於指數。咁代表咩？即係話連大部份專業投資者都輸凸，投資者覺 得自己金融知識及觸覺，甚至對公司嘅了解，會比專業嘅更好？
預期高回報必然高風險。自問受唔起或無時間心機研究，都係跟返錢俊買ETF穩陣。至少好似 今年咁遇跌市，你嘅投資回報都好可能比好多朋友甚至好多基金經理好。
3171：亞洲首隻全球區塊鏈ETF
過去一個月好多港股以外嘅市場都反彈，包括加密貨幣，當中比特幣由六月底位已彈12%。
香港雖然未有加密貨幣ETF上市，但屬相同技術嘅區塊鏈ETF。三星區塊鏈技術ETF（ HKG:3171）於今年六月尾上市，聲稱係亞洲第一隻以環球區塊鏈技術為主題嘅ETF。基金為 主動管理ETF，並非追蹤指數，主要挑選積極參與區塊鏈技術開發或使用嘅公司。值得留意基 金同樣允許投資相關主題ETF或加密貨幣期貨ETF，成份股入面包括美國第一隻比特幣期貨 ETF－ProShares Bitcoin Strategy ETF （US:BITO）。十大持股仲有芝加哥商業交易所CME、 IBM、日本SBI、金融科技及加密貨幣銀行Silvergate等。
區塊鏈較為人熟知嘅用途當然係加密貨幣同NFT，但其實相關技術已開始應用喺包括醫療保 健、銀行金融、供應鏈、以至選舉投票等行業同活動。有研究指，區塊鏈市場規模可從2021年 49.3億美元增長到2028年約2278億美元，預期複合年增長率達72.9%。到2027年，區塊鏈所 存嘅資料有可能佔據全球 GDP 等值10%。十年後全球或80%人口將以唔同方式涉足區塊鏈 技術。
睇返3171表現，上市一個多月已升18%。聽落吸引，但其實都係稍為高比特幣一啲，甚至美股 納指同期都升咗15%。可見升勢主要係外圍同加密貨幣回暖所帶動。同期表現亦遜於之前曾 介紹過類似又喺美國上市嘅Invesco Alerian Galaxy Crypto Economy ETF（US:SATO），上月 升34%。然而3171入場費一千蚊唔洗，又喺香港上市，喺買賣方便情度上都算係優勢。
想聽其他投資Topic？話我知：chinjun.column@gmail.com
FB: chinjun.etf
IG: chinjun.column
以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
