【天下第一倉】高山行：撈底要快
天下第一倉
日期：2022-11-18
更新時間：10:13:00
內房股大反撲後普遍順回，但一直大落後的佳源國際(2768.HK)反而開始量價齊上，現價平到爆，睇事件進程，公司應可順利過難關，單睇上番7月發CB定價0.68元，已有好大值博率，成交急
增更係首個重要訊號，撈底要快！
2768之所以咁殘，係因為涉美元債務事宜而被部份債主提出清盤呈請，公開聆訊日子最新已延至明年1月4日，所以呢個幾月仲有大把反撲時間。事實上，2768自2020年起一直是「三條紅線」指標考核中表現優秀的內房民企，而集團已積極透過交換要約管理未償還債務，於8月底時已跟至少11.75億美元或現有優先票據未償還本金總額13.5億美元的90%，作為最低接納金額開始交換要約，實在誠意可嘉！
睇往績，2768在2016年初以每股2.48元招股上市，最高曾做過10幾皮，主業在江蘇省開發及銷售住宅及商用物業，並向政府機構就開發安置房及開發或翻新其他類型物業、設施或基建項目提供服務（包括負責聯繫建築承包商及設計公司）。隨著近年內房爆煲事件，亦令這隻過氣股王打落低位，但睇業績仍然唔錯，去年盈利24.2億元人仔，今年上半年純利大退倒後仍有3.26億人仔，意即折合只係兩倍幾市盈率，再睇每股nav5.3元，現價兩毛幾係幾咁嚇人！
另一重要參考指標，係7月剛向8名認購方發行6.67億元年利率8厘的1年期可換股債券，轉換價每股0.68元，可轉換為9.81億新股，相當於擴股後14.16%，其中已有3.01億股兌換，睇番現價係咪好大啟示？！再睇年中又向包括董事局成員在內的130名選定合資格人士授出1.31億份購股權，佔擴股後2.57%，每股行使價亦為0.38元，啟示更為貼地。
近日交投又夠啟示，成交突然大增，早幾日大成交推動下上過0.28元，昨日又再逆市大成交，但價位更平，係咪好好上車時機？！
高山行
天下第一倉 - 高山行 舊文
本文作轉載及備份之用 來源 source: http://hksmedia.com
