【平民投資教室】錢俊: 香港搶人才生意不能取代的優勢
平民投資教室
日期：2022-11-01
更新時間：13:19:09
本周焦點隨咗股市到底跌完未之外，就係本港金融科技大會同雲集全球金融高層嘅論壇。明眼人都知，政府勢要從新加坡手上爭返啲人同生意返嚟。
事實上錢俊遊走多間外資基金公
司，一大部份喺香港嘅鬼佬鬼婆都留低無走，亦都唔鍾意去 新加坡。原因唔係因為香港專才計劃有幾吸引或稅務有幾優越。而係香港有兩點新加坡永遠 無發取代嘅優勢。
第一係天氣。唔好以為鬼佬喺外國住過就唔怕凍，佢哋一樣係超唔鍾意落雪同下晝三點就天 黑嘅地方，而且鬼佬高層又鍾意著住套三件頭西裝四周走嗰種優越感，面對新加坡整年都三 十度嘅天氣都吃不消。
更大嘅優勢，竟然係香港山多平地少。喺鬼佬眼中，香港堪稱美國夏威夷同紐約曼克頓合體。 外藉人士最愛香港嘅地方就係有好多行山徑，連世一桌球手奧蘇利雲都要喺香港山徑留下腳 毛就可見一班。好多金融老闆一到周末就成日傾去邊度行山玩水同踢波。今時今日金融界成 日提work life balance同健康生活，運動已經係佢哋周末嘅指定動作。玩完之後搭的士返屋企 就得，唔洗穿州過省。相比之下，新加坡只有水上活動，要玩多啲嘢就要出國，點都係差少少。
簡單嚟講，專才最怕悶。除咗要喺工作上尋求挑戰，生活上都要多姿多彩。講就話Hong Kong is back，俾幾個金融巨頭放飛機不但止，連需要主持金融論壇嘅財爺都或者未能Back to Hong Kong。只開放簽證但唔開放防疫思維，睇怕只能自圓其說地說故事。
3174:醫藥股成跌市生還者 恆指十月份一舉跌至13年低位。由科技股至金融股無一幸免。但上個月竟然仲有板塊回報係正數，仲要係中國股票。呢個就係醫療板塊。
二十大報告中提及，要將保障人民健康放喺優先發展嘅戰略位置，當中亦包括健全公共衞生 體系、提高疫情早發現能力、加強疫情防控救治體系及應急能力建設、推進健康中國建設，繼 續深化醫藥衞生體制改革等。同時，之前市場憧憬中國於二十大後會開關，然而到現時都毫無 風聲之餘，「動態清零」仍然係防控主軸。藥物研發、疫苗等或者仍然係國策支持之處。
其中南方東英中國醫療健康革新指數ETF(HKG:3174)過去一個月仍有2.7%升幅，大幅跑嬴 大市。基金投資喺港交所上市嘅醫療健康公司，選擇市值排名前35嘅相關公司，主要涵蓋四大 主題，包括創新藥、醫藥外包(CXO)、創新器械、以及互聯網醫療。成份股包括京東健康、藥明 生物、康希諾生物等。
基金100股一手，以現價計一手唔洗300蚊。管理費則要0.99%，以淨係投資香港上市公司嘅實 貨ETF嚟講的確偏貴。
想聽其他投資Topic?話我知:chinjun.column@gmail.com FB: chinjun.etf
IG: chinjun.column 以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
