【平民投資教室】錢俊：港股get in front, not behind？
平民投資教室
日期：2022-11-08
更新時間：10:33:00
香港七人欖球賽完滿結束，金融峰會順利舉行，恆指一周升近二千點贈興。真係講一句Hong Kong is Back，港股就Get in fr
ont？ 上周大升，市場分析主要炒作兩件事。一係中美兩國進行嘅審計合作取得進展，美國公眾公司 會計監督委員會喺香港嘅檢查人員提早完成工作。側面反映中美緊張局勢有緩和跡象。然而 錢俊認為呢個想法有啲過份樂觀。畢竟美國以至西方本土民眾認為對中國採取強硬立場已經 係共識，歐美政客未來為搶選票都應該唔會對中國手軟，對中國公司要求愈來愈高睇怕已經 無可避免。 然而，一日唔打杖，呢類地緣政治風險都只屬短期噪音，公司及阿爺總有方案應對。比如中概 股美國上市嘅門若被關上，港交所實開返扇較俾你。只要中概股係賺到錢，國際投資者有錢搵 ，邊度上市佢哋都仆到嚟。正如一眾金融高層黃碼無得堂食全程戴口罩，俾人擺上檯做場戲都 要出席香港峰會就可見一班。 但中概股幾時先賺返錢？正如錢俊之前所說，就係關乎上周另一市場炒作中國放寬入境隔離 限制。雖然周末過去官方仍稱堅守動態清零方針，但尋日開市後都未見市況因而轉差。錢俊相 信放寬入境隔離限制措施將會係大方向，因此入咗市嘅資金都唔急於散貨。
至於幾時，外媒所講就一定唔會準確，如果唔係國內官員都唔洗叫大家睇少啲外媒。投資者或 需留意官方會否有論調開始降低疫情對公共衛生嘅破壞力，比如會否有國內專家話新變種造 成嘅影響已經接近一般流感等，因而增加官方放寬嘅理據。呢一點又真係可能睇人民日報先 能令你快人一步。 ORFN：拒做環保膠嘅壞孩子 ESG投資大行其道，好多投資甚至企業都已經將環境要求納入規範。若你自問唔係「環保膠」， 想做逆流大叔，有無其他選擇？ 美國上市嘅Constrained Capital ESG Orphans ETF（US:ORFN）就係走另一條路嘅「壞孩子」。 基金專揀被好多ESG投資剔除嘅行業，包括化石燃料、核能、軍備、煙酒、及博彩業。十大成份 包括Exxon Mobil、軍工股Lockheed Martin、飛機製造商波音等。 投資壞孩子其實有其理據。由於ESG相關投資可能被高估，有機會形成泡沫。反之「壞孩子」行 業因為被市場忽略，以價值投資角度睇，或者有更高潛在價值。加上相關行業因為某程度上 與大市脫節，投資ORFN或者有更好嘅分散風險能力。
數字比理論有力。ORFN過去三個月高報為2%，參考最大ESG ETF—iShares ESG Aware MSCI USA ETF（US:ESGU）—同期回報為負9%。似乎短期證實到呢一點。然而ORFN上市只 係短短五個多月，規模只有兩千萬美元，或需要時間證明「壞孩子」都可以很優秀。 想聽其他投資Topic？話我知：chinjun.column@gmail.com FB: chinjun.etf IG: chinjun.column 以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
