【平民投資教室】錢俊：股票仲有無運行
平民投資教室
日期：2023-10-10
更新時間：14:52:39
近月自從美國聯儲局「鷹氏暫停加息後」，股票持續頹勢。美股標指一個月跌5%，港股恆指更慘，跌6%見今年新低。餘下時間股票是否無運行？
好消息係美國經濟數據仍然算唔錯，年初好多評
論員話今年美國經濟會衰退，近月大多轉軚認為經濟可以軟著陸。然而利率高企而且有可能持續一段時間，公司借錢難同成本高嘅問題難以解決，對公司盈利增長嘅能力持續面對挑戰。
唔單止係公司，個人及整體消費力都會受影響。美國消費者購買房屋和汽車都要靠貸款。有研究指，三年前一般美國人只需要33周嘅收入就可以買一架新車，但最新說法係呢個數字已經增加到42，呢個源於利率上升令利息支出增加。因此都限制咗消費者嘅購買力，從而影響佢哋其他活動嘅開支及的其他支出。隨著聯儲局官員越來越明確地表示不僅是更高更長期嘅利率環境，而且仲可能智加息，信貸環境產生嘅影響可能會惡化。
另一個風險就係美國政治亂局未完。上周眾議院議長歷史上首次被罷免，剛剛先通過臨時撥款方案避過聯邦政府停擺，過幾個星期後又會面對新死線，到時都唔知傾唔傾掂數。停擺或對某啲政府外判機構或收政府援助等人無錢收，信貸情況緊縮今季可能更加嚴峻。
TSPA：買ETF抵過買互惠基金
咁當然有輸家都可能有嬴家，比如銀行可能受惠息口上升而賺取更好嘅利差。某啲公司可能通過轉介成本到消費者，未必影響好大。再者今年美股而言，大市回報仍然係正數，因此有投資者或者仍投以信心一票。呢個時代，如果你有時間，揀啱股票同行業或者仍然做到唔錯回報。
但如果好似錢俊咁無時間理，或者可以揀有基金經理幫你揀股嘅基金，相對上有空間去跟據經濟情況作出調整。但正如錢俊講，去銀行買一般互惠基金，除咗要過五關斬六將開基金戶口，買基金可能又要蝕手續費，而且好多股票基金管理費都要1%以上，計埋要賺唔少先補到條數。
然而市場都有一啲價格相宜又喺證券市場上市嘅主動式ETF，有基金經理幫你揀股。T. Rowe Price U.S. Equity Research ETF（US:TSPA）就係其中之一。基金旨在投資與美股標普500指數相似嘅行業覆蓋範圍，做到分散投資嘅結果，同時依靠行業投資分析師透過基本研究嚟揀股，理論上投資組合可以比被動指數ETF更具適應性。
同時TSPA只係收0.34%管理費，比一啲指數ETF仲平。當然最重要係表現，年初至今升15.5%，又真係比標指12.7%好。
想聽其他投資Topic？話我知：chinjun.column@gmail.com
FB: chinjun.etf
IG: chinjun.column
以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com
