投資的天空：反彈似有力延續 - 張士佳
希臘大選塵埃落定，結果與市場預計差不多，不過都算係一則好消息。前日主要亞洲股市亦升市收場，但市場焦點已迅速轉向西班牙的財政及銀行危機，其10年期債息再次升穿7厘，創出歷史高位，拖累外圍無法借希臘消息炒上。港股昨日亦稍為整固，從好的方面睇，西班牙債息如此急升應會構成一定的恐慌，但除了歐元外，其他資產市場暫時未見有太大反應。除非有突發的壞消息，否則最近股市的反彈潮似有力延續。
昨日港股一度飄上飄落，波幅好像很大，但實際上期指全日高低位相差只得159點，而呢段波幅就係收市前半小時出現，基本上全日可以話係一場悶局。而這個現象前日已有端倪，當日期權的引伸波幅大跌，如投資者上周五買了認購期權，前日升市不但無錢贏，還要倒輸，從中可預期，後市都係窄幅上落居多。策略上，筆者傾向買多轉，不過買股票始終成本高，現階段只會跌至低位才會考慮，如果跌唔落反而升上去，則會候高沽貨。
組合方面，先前關於廣藥(874)的長期指令昨日已經執行，如上述所言，大市在中間位唔上唔落，暫時都係傾向保留子彈作日後部署。
與曾卓鋒(寶來證券業務經理)聯合執筆(逢周三、五刊出)
作者：張士佳、曾卓鋒(寶來證券(香港)業務經理)
上一則: 青心直說：世紀併購三疑團 - 胡孟青
下一則: 外幣兌港元
投資的天空 - 張士佳 舊文
