投資的天空：A股翻生有排等 - 張士佳
昨日期指開市時，由開市價計，曾於數十秒內極速跌逾200點，唔知係有人收到風政府會公佈打擊炒樓措施，還是電腦程式盤作怪，因為睇番成交紀錄，市場好似突然真空咁，但這正反映市場深度嚴重不足，容易讓人舞高弄低。
港股在Jackson Hole央行年會前回調，或顯示投資者對QE3的期望不太大。有人就話，既然市場對出QE3的期望大幅降溫，根據相反理論，豈不是增加了QE3的機會？正路來看，以現時的市況，尤其是美股，與上兩次出QE簡直有天壤之別，不推是正常，如果推就只會係政治原因。在如此難炒的市道下，除非賭癮太深，否則無謂浪費子彈。
A股持續尋底，不少人奇怪股市表現與經濟增長背馳，我想航運股唔多唔少都可以解答部份疑問，好似昨日公佈業績後大跌的中海集運(2866)，正顯示市場實況︰需求疲弱、供應過剩、成本高企。事實上，這並非單是航運股的問題，同時航運股亦證明出口市場的疲弱不堪，內地經濟數據的水分不言而喻，A股就好似無底深潭，想佢復原可能有排等。
筆者及並未持有上述股票
與曾卓鋒(寶來證券業務經理)聯合執筆(逢周三、五刊出)
作者：張士佳、曾卓鋒(寶來證券(香港)業務經理)
上一則: 青心直說：內地雜誌有睇頭 - 胡孟青
下一則: 外幣兌港元
投資的天空 - 張士佳 舊文
