投資的天空：?定沽睇二萬三 - 張士佳
自農曆新年假期後復市以來，港股市況偏淡，紅盤高開後無以為繼，一直在23200至23500區間徘徊，昨日更受A股拖累而進一步跌至23200樓下。
A股反高潮實屬意料之內，兩日合共已跌逾2%，之前見有人話兩會前市況通常偏好，但筆者看了過往圖表，其實好多時都係麻麻?，加上新年後市況通常偏淡，所以上周於本欄提及在博完港股紅盤高開後，好倉要先行減持。
之前見有部份傳媒做的散戶調查，大部份均認為新年後會向好，但環顧券商及財經專欄，則大多認為調整未完，大家都清楚越多人睇的方向，越容易走相反，難怪大市拉鋸了數天，但個股上周頗為強勢，的確會令人聯想到，難道股價的堅挺可倒過頭來帶返個市上升？
可是前日個股已開始走樣，昨日更有近1,000隻股票下跌，大市亦再挨近近期低位，此回合券商及股評人先勝一仗。但對於大市，我都唔係太驚，未跌穿23000時，不妨低位博一博，反彈上23500開始沽出，高沽低?相信是現階段較適合的策略。後市暫時會睇實兩個位，穿23000估計會調整多800至1000點，升穿24000則估計有800點的升幅。
超人賣酒店派息？
過去兩日的焦點，可算是超人拆售酒店項目，有人話超人的做法是與政府對著幹，筆者當然不知超人想法，但在商言商，趁好價將一些非核心項目套現其實正常不過，在國外不算是新鮮事物，以他們的角度而言，亦遠比將這類項目包裝成REITs上市簡單。
真正想法我們無法得知，但可分享一些市場人士的揣測，好似有人估長實(001)未來或會派特別息，好等超人收到現金以用作支持其細仔，是真是假，真的天知曉了。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：人幣區域見雛形 - 胡孟青
下一則: Follow Me：內地彩票熱炒?禦泰 - 高彰坡
投資的天空 - 張士佳 舊文
