中環在線：做九倉董事唔使靠大劉淩緣庭升呢 - 李華華
防腐華姐升呢做藍籌董事
91年國際華裔小姐冠軍淩緣庭?九倉(004)經過9年努力，噚日終於升做董事，證明唔係得個靚樣，真係睇得又打得。最重要係，以後佢?title必然係九倉董事，唔會係華置(127)主席劉鑾雄(大劉)前愛將了。
■淩緣庭
■淩緣庭(左)當年曾係大劉(右)愛將，有影皆雙。
靚女變靚媽41歲童顏
淩緣庭本身係新加坡人，選美後飛去英國完成大學課程，有特許測量師資格。佢2001年加入華置地產部，好快成為大劉愛將，三年後佢跳槽到九倉，一直負責管理銅鑼灣時代廣場。
其實自佢過檔九倉，大劉身邊又有甘比同呂麗君，大家都好少將淩緣庭同大劉拉上關係，之不過，淩緣庭相對低調，又實在太靚女，今年41歲，已經係媽咪級都保養得咁好，大家咪始終覺得佢係花瓶囉。
佢兩年前接受本報訪問時曾經呻過，都有後悔走去選美，又指樣靚?地產呢行冇優勢，要付出好多倍努力先可以得到認同。
舊年佢獲委任為九倉旗下海港企業(051)非執董，由於只係非執行性質，所以都唔算係乜，佢噚日辭去海港非執董職位，入?九倉做董事，今年基本薪金加埋津貼有328萬元，遲嚇仲有花紅分，舊年就收到180萬花紅，佢?努力終於得到認同。
九倉老闆吳光正委任淩緣庭做董事其實都一舉兩得，一來多位靚女高層幫手，二來響應港交所(388)叫上市公司加多?女董事入董事局，九倉𠵱家就有兩位女董事。
李華華
mailto:LiWaWa@AppleDaily.com
上一則: 胡說八道：碼頭罷工 - 八道
下一則: 中環在線：利豐表現曳CEO照袋半億 - 李華華
中環在線 - 李華華 舊文
