中環在線：證券商協會懷舊慶33周年李福兆今晚蒲頭 - 李華華
■李福兆
證券商協會今晚?金鐘一間酒店筵開40席搞33周年晚宴暨就職禮，最特別係，有股壇「校長」之稱?聯交所前主席李福兆繼三年前現身，今晚再做座上客。李福兆94年離開香港，長居泰國，近年有傳聞話佢身體抱恙，即管睇嚇佢係咪風采依然。
李福兆今年84歲，股民一定識佢。87年股災，就係佢以聯交所主席身份，宣佈停市四天，股市重開恒指大瀉，佢被人鬧到飛起。
■盧海鵬
■詹培忠
傳金勞詹打針美顏
佢離港多年，證券商協會2010年慶祝30周年，先至搵到佢畀面回港出席周年晚宴，當晚佢仲上台玩棟篤笑，笑話自己唔係炒股，而係「燉」股票，初期就燉公用股、地產股。
聽聞今晚佢只係做嘉賓，唔表演，會唔會歌癮起上台唱歌就唔知，事關今晚玩懷舊，請來盧海鵬做表演嘉賓，好似話會唱羅文經典舊歌，十幾位會董又努力練歌，諗住唱甄妮?《奮鬥》做壓軸表演。
除?李福兆，前立法會金融服務界議員「金勞詹」詹培忠都可能係全場焦點，佢今晚亦係座上客，傳聞佢早排飛去烏克蘭做幹細胞注射，66歲打呢種針，梗係為?回復青春靚仔樣啦。話時話，點解越來越多男人走去減肥或者打針回春?呢？邊個話貪靚係女人專利。
李華華
mailto:LiWaWa@AppleDaily.com
上一則: 中遠轟ST制度不利H股
下一則: 中環在線：胡文新一億搞冰球基金 - 李華華
中環在線 - 李華華 舊文
