中環在線：批佔中失敗熊再出沒注意 - 李華華
尖啤蒲頭狂抽CY水
前政協委員劉夢熊(尖啤)今年初被廉署拘捕後轉趨低調，冇評論時事政局一排，噚日竟然無端端走去一個講香港競爭力?記者會，係一個實有記者採訪?場合。佢話係對呢個題目有興趣，於是走去做「台下嘉賓」，結果佢咪?台下對張震遠、佔領中環等城中熱話發表意見囉。尖啤似乎返來了。
書生搞佔中中央未驚過
咁耐冇月旦時事，劈頭梗係講「首席梁粉」張震遠旗下商交所停止交易兼被追租啦。尖啤話，呢件事反映特首梁振英用人唯親，香港若要提升競爭力，政府用人需要來自五湖四海，用人唯賢先得。
佢跟住講佔中，批死佔中發起人戴耀庭等幾位書生以佔中威脅中央，最終唔會成功。
佢話想當年，戴卓爾夫人曾經以香港如果回歸中國，外資將撤離香港來恐嚇中國，最終都未能成功，「唔通戴耀庭幾個書生，能力仲大過大英帝國？！嚇唔到中央。」佢又做好資料搜集，指香港舊年大大小小有750個示威行動，「有反對填海，反對將軍澳擴建堆田區，要求小班教學，爭取全民退休保障，個個都去佔中，咪天下大亂」！
■劉夢熊螫伏一輪，忍唔住出動月旦政事。黃偉傑攝
2017年普選先作諮詢
佢認為，特首梁振英可以率先就2017年特首普選進行諮詢，就好似當年訂立基本法時，都係先有諮詢委員會搜集意見，然後先至有起草委員會草擬法案。其實尖啤認為點樣唔重要，最重要係佢肯講?，咁先至有戲。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 內地70城市逾半樓價降溫
下一則: 中環在線：中環老鼠唔怕「佔中」 - 李華華
中環在線 - 李華華 舊文
