中環在線：培華基金添9成員富三代接力搞慈善 - 李華華
■霍思緯(右)愛心爆棚，曾到柬埔寨探訪當地小孩，今次同細佬霍啟文齊齊加入培華基金。
財經界近年經常講富二、三代接棒，掌管家族企業，其實何止家族生意，慈善事業一樣要接棒，好似有31年歷史、由恒地(012)主席李兆基、愛國商人霍英東兒子霍震寰、慈善家方潤華等人發起?培華教育基金，今年就新增幾位富三代做會員，本周五仲會?一個培華飯局齊齊亮相。
據聞，培華今年5月新增9位新成員，包括霍震寰三名仔女：霍思緯、霍啟中、霍啟文；仲有方潤華孫仔方添輝。新世界發展(017)主席鄭家純當年都係培華發起人之一，佢兒子鄭志剛早已係會員。基本上，培華基金43名員會，部份係兩代或三代同堂。四叔同佢兩位公子當然都係會員。
呢個基金正正?1981年，一班工商界人士組織訪問團到北京同西安觀光，之後有感而發，發起要組織一個基金去幫助內地發展，其中特別注重人才培訓工作。身兼培華基金主席?四叔早排就話，基金咁多年培訓?大約7萬人，部份仲做?高級領導?。
四叔周五飯局講捐地
講起四叔，大家當然想知道佢?捐地大計有乜進展，為?捐到地，佢直情唔介意開頭第一幅農地，補埋地價、畀埋錢起樓，咁積極捐地，簡直係善心爆棚，香港地少見得很。聽聞，佢本周五出席一個培華飯局，介紹一班富三代新會員之外，仲會諗住講講捐地，大家洗耳恭聽啦。
■李兆基打算捐出?農地位於元朗馬田壆村，仲主動補地價、畀錢起樓?！
培華基金富三代會員
■霍英東孫仔霍啟中
■鄭裕彤孫仔鄭志剛
■方潤華孫仔方添輝
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 跨境指數ETF今季推
下一則: 中環在線：街市偉新搞作瓦努阿圖開賭場 - 李華華
中環在線 - 李華華 舊文
