中環在線：重新剪裁新班底思捷設計一姐離任 - 李華華
■思捷換人密過換季，設計部一姐Melody Harris-Jensbach將於本月底退任。
思捷(330)搞改革一波三折，換高層仲密過換季。公司噚日宣佈，2012月1月先上任?設計部一姐Melody Harris-Jensbach，本月底退任產品及設計總裁一職。
Melody當年曾助思捷走過「黃金10年」，2012年佢應舊CEO範德施邀請，離開Puma回巢，市場對佢期望甚殷，希望由佢領導?潮流部門可以幫思捷起死回生。?Melody在任期間，巴西超模Gisele Bundchen就做過思捷代言人，不過舊年9月約滿無再續喇。Melody過去年幾幫唔幫到手，大家應該有目共睹。
其實，思捷舊年9月換?來自Zara?新CEO馬浩思(Jose Martinez)後，今年初已經開始大執位，例如兩位來自H&M?設計部高層已離職。
馬浩思大手挖角Zara人
聽聞，馬浩思最近已經為高層架構全面改組，由以前按渠道、品牌劃分，改用市場劃分，仲特別成立一個策略部門，成隊人都係由馬浩思挖角過來，係Zara舊同事，全部執掌重要職務，包括新增?德國市場部門同埋領導供應鏈部門。
思捷通告就話，Melody曾經講過，當Esprit轉型?「關鍵時期」完成時就會走人，𠵱家為確保平穩過渡，Melody已經同意留做策略顧問，明年會繼續同馬浩思合作咁話。查實唔少上市公司重要高層唔撈，初頭都係轉做顧問，好來好去。
李華華
mailto:LiWaWa@AppleDaily.com
足本收睇《亂?24》x 陳慧琳；之後有請搞笑孖寶鄭中基穀德昭玩轉再玩轉！
周一至周五《亂?24》約定你：http://bit.ly/appletalk24
上一則: 69城市一手價升不停
下一則: 中環在線：趙海珠投身恒地賣樓 - 李華華
中環在線 - 李華華 舊文
