青心直說：二萬七好快到 - 胡孟青
■看Cool魔例子，天要你紅，點到你唔紅！
投資市場，龍蛇混雜，輸乾輸淨的見得多，贏盡賺盡的就暫時未見過，見好即收者亦是鳳毛麟角，大家都係跟紅頂白。畢竟去年今日大聲疾呼叫買濠賭股與科網股者，只係少數，勵駿(1680)上市前的飯局，好多人有份食，但係點解睇得起對方者少之又少，到股價飛天，卻人人走出來話自己有推過，有些股票係要睇政治而唔係數字，因為有Wisesearch，馬後炮好難扮先知。
毫無背景又想搵賺錢機會，睇通告肯定好過睇年報，前稱安利控股的凱升(102)，連環盈警加供股，單睇業績，就知又係要輸。
睇通告好過睇年報
有忠實聽眾呻話大市好陰濕，估佢回補22500點附近裂口又唔補，或者太多人睇二萬二，即使稍穿亦有支持，年底又要收二萬四之上，遂於22640點已急不及待玩鬥快。只怪資金太氾濫，就算不買樓、不買債、不炒商品外匯，都起碼要?點股票，俗語說「有就唔志在，冇都唔爭在」，反正三中全會後，好醜都有點年結效應，香港人怕執輸，無非都係要食住個浪。擔心退市？三個字：退條毛！今年見不到的二萬七，明年3月見。
「天要下雨，娘要嫁人」，係比喻無法改變之事實，看Cool魔例子，難得唱片公司食住個浪，把十年前的電視劇主題曲《歲月如歌》連版權買回來，單曲也出碟，天要你紅，點到你唔紅！今天，在backdrop前面影幾張相，叫價已急升至六位數字，你可以話，慘得過有人夠膽叫得出，又有畀得起之人願意畀。
正如股票市場，成交價就係市價，香港歌手演唱會門票480元，一樣有人嫌貴，叫得680元的，卻又要一邊哎貴一邊撲飛，睇Eason、王菲都只係980元。今日韓國當紅男、女子組合走出去賺外匯，企位都要1,680元，仍是一票難求，驚覺少男少女的父母實在疏爽，亦難怪K-Pop食過翻尋味，真係恨死隔離。
胡孟青
獨立股評人
足本收睇《亂?24》x鄭中基穀德昭；跟住有新?師妹楊千嬅駕到！
周一至周五《亂?24》約定你：http://bit.ly/appletalk24
上一則: 財智語陸：中小企生存靠貸款 - 陳永陸
下一則: 一名經人：各幣臨關鍵位 - 羅家聰
青心直說 - 胡孟青 舊文
