中環在線：榮智健新馬閘前失控老友任志剛錯愕兼失望 - 李華華
榮智健未黑完新馬落地即跪低
中信泰富(267)前主席榮智健似乎黑氣未消。佢當年憑馬王「活力先生」、「奔騰」叱吒馬場，自從公司2008年爆出炒?外匯accumulator後，佢就幾乎絕跡馬圈。難得噚日新馬「飛影」首度出賽，老友金管局前總裁任志剛專誠捧場，點知隻馬入閘前發癲，起擒後撻落地，跑唔成！
榮太子近期活躍番，剛夥拍太古地產(1972)向中信泰富收購港島東大昌行商業中心全幢物業，噚日又有新馬出賽，令佢有機會現身馬場，幾位老友任志剛、終審法院前首席法官李國能、醫學專科學院院長李國棟亦到場打氣。任總、兩位李生與榮智健千金榮明方之前養過隻團體馬叫「飛燕」。
開跑前，幾位?沙圈同會員席談笑風生，對飛影相當有信心，等拉頭馬咁款。無他?，飛影之前?澳洲三戰三勝，來港評89分起步，被譽為本地中短途明日之星。噚日跑第十場，賠率由隔晚熱到臨場，一直企硬四倍左右。
經獸醫驗證退出賽事
可惜人算不如天算，在港未跑過?飛影入閘前，大發脾氣擰頭擰髻，卒之起擒將騎師安國倫拋下，然後失平衡成隻馬撻落地，雖然冇走甩，但經獸醫驗過，認為不宜出賽，最終退出跑唔成。
榮太子?會員席見到此情此景尚算冷靜，佢三位老友就難掩錯愕兼失望之情！
今年10月，羅傑承隻「軍事機密」閘前發老脾又衝閘又拋跌騎師，都要照跑，結果出閘脫腳跑包尾大熱倒灶。軍事機密至今未復出，飛影幾時出賽，讓榮太子再嘗拉頭馬滋味，真係要拭目以待。
李華華
mailto:LiWaWa@AppleDaily.com
足本收睇《亂?24》x劉嘉玲； 鄭秀文@杜琪?再度登場！
周一至周五《亂?24》約定你：http://bit.ly/appletalk24
上一則: 醫療設備股受打貪影響
下一則: 中環在線：長和系提早出業績 - 李華華
中環在線 - 李華華 舊文
