智取大市：泰坦概念夠值錢
港股升爆燈，恒指9 RSI谷到去86.22，已經遠高過80?超買水平，可稱之為超超買。自從2009年港股由破產價變返正常價後，之後每兩年就會出現一次呢種超超買市況，第一次2010年10月炒QE2，第二次係2012年底炒資金流入，2014年就係今次。望返10年往績，9 RSI最盡去到90，相信今次恒指升到25000點，就會接近呢個位，一?超買到極點，二?遇上阻力位，三?今日期指結算，港股好大機會遇上短線整固壓力。
不過，呢種整固，反而造就短線入市機會，因為下一浸通常衝得仲癲。以過往經驗，升浪仲會持續多數周，大價股通常未見頂，要博仲有機會。到時揀大價股純粹邊隻強就衝邊隻，滬港通憧憬之下，港交所(388)強勢唔使多講，短線調整吸藍籌?必然首選。
由5月低位到而家，中資股普遍都有兩成至三成回報，如果熱門股份都咁勁，資金稍後肯轉炒細價股?話，短線賺五成都唔會出奇。
而家A股所謂細價股冇基本因素支持，都可以值成百億元市值，然後望住一批十億八億元市值?細價港股，強國客當然覺得好平，由此可見，大陸資金增加，細價股潛在升幅亦可以睇得高?，之所以英發(439)炒上50億元市值，又點算好誇張。
食正充電設備條水
細價股當中，泰坦能源(2188)值得留意，佢經營電力直流產品，但真正賣點係建設電動車充電站，?年電動汽車充電設備業務營業額大跌九成，好明顯係因為之前電動車政策失敗所致，搞到?年要蝕3,314萬元人民幣。不過，?緊中央會再次大搞，相關部委傾緊向非汽車生產企業發放電動車生產牌照政策，政策最早年內獲批出台。
一直以來，電動車政策最失敗?part，係街上充電站數目嚴重不足，但國際上唔少汽車巨頭都睇住中國電動車市場?肥豬肉，未來要成功進佔呢個市場，汽車充電設備必然要大量建設。泰坦本身就係做充電設備，肯定食正條水。?目前火旺市況，泰坦有曬國策concept，單睇市值得11.8億元，只要畀投資者發個好夢，遐想一番，已經值回票價有餘。
泰坦月頭已經發盈警，話雖然定單大增，但未及時納入為收入，上半年仲要蝕錢，事實上，過去業績唔反映未來電動車扶持政策。既然壞消息已出，股價升勢又少一道屏障，近期佢已突破52周新高，成交亦增加，稍後要返去上市高位1.69元實在唔難，分分鐘仲有能力破頂，目標價睇2蚊。
晉佳
本欄逢周三刊登
晉佳
智取大市 - 晉佳 舊文
