中環迷你裙：金屬股音樂未完
■湖南有色圖表走勢靚，又受惠國策，值得一諗。
阿爺放水後六連升，累升逾千點，音樂椅轉換速度越來越快，資源股炒到殼股，見未炒到殼價，追！Samantha向來買衫買鞋都夠爽快，但講到要買承受上下達到20格波幅的殼股，按下買入呢個動作，緊張過表白，眼見大市要回，點知三點大陸收市後，勁歌熱舞再次來襲，紛紛舞起手上的股份，究竟沽唔沽好？又陷入兩難，收市快到，心跳加速，冷汗直冒，終於踏入四時正，Samantha終於敢吸一口大氣。
股海戰況緊湊，但贏錢快感更醒神，上周五推介完隻玖紙(2689)昨日再飆半成，唔估頂，一於?到隻股回為止，殘股大翻身的戲碼日日上演，隻中鋁(2600)承著鋁價見底，股價本月增逾三成，Samantha誠意推介另一隻資源股──湖南有色(2626)。
湖南有色雖然早兩周曾發盈警，但呢個板塊享盡天時地利，工信部宣佈推進有色金屬資源稅改革，具國策概念，金屬期貨價格不斷走高，有色金屬A股幾日漲停板，本港有色金屬股齊齊落鑊；湖南有色話曬都係國有獨資企業，始終有阿爺照住，加埋湖南省有意將呢瓣業務發大?搞，實現「有色強省」的目標，可謂食正條水；以有色板塊來計，湖南有色圖表走勢最好，在2.2元的水平呆足兩年半之久，一炒爆炸力驚人，創出52周新高，值得一諗。
Samantha
本欄逢周三、五刊出
Samantha
中環迷你裙 - Samantha 舊文
