中環在線：馬會新大董梁高大熱
百年來第二位女性下月揭盅
■舊年梁高美懿同老公梁承達隻「神童」跑出拉頭馬，相當威水。資料圖片
恒生銀行(011)前一姐梁高美懿花甲之後，時來運到，反而越來越紅。佢2012年以年屆60為由退休，離開恒生，今年初就加入創興銀行(1111)做董事總經理，再創事業高?。新近馬圈傳出，馬會下月中選大董，梁高係大熱人選，換言之，佢有機會成為馬會百年來第二位女大董。
梁高本身算係馬場常客，佢既係馬會遴選會員，又係馬主，佢跟老公梁承達醫生有一隻「神童」，另外有一隻團體馬「過關勇將」，而佢老公亦有隻團體馬「皇仁勁駒」。舊年5月就試過「神童」與「皇仁勁駒」同一日?不同場數跑出，令梁高同老公可以一日拉兩次頭馬，相當威水。
據了解，馬會將於下月11日舉行周年大會，由於馬會主席施文信年屆70，將要退任大董，所以有一個大董空缺出現，而主席一位就通常由副主席升任。
範徐麗泰係首位女大董
能夠成為馬會大董，絕對係社會賢達、一個重要?身份象徵，需知道馬會選舉只得少數會員有權投票，絕對係小圈子選舉。馬圈近日就盛傳，梁高係大董大熱人選。
馬會早於2008年搵來全國人大常委範徐麗泰做百年來首位女大董，假如梁高真係成為大董，就會係第二位女大董。此外，目前12位大董當中，撇除施文信，範徐麗泰?年紀最大，佢明年亦會年屆70，照理應該都要退任大董，??家呢個多元社會，馬會?家搵定一位女大董入局亦不無道理。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
