中環在線：父子與南加州大學有淵源
陳啟宗細仔做助理教授
■陳啟宗一家罕有齊齊公開露面，參與命名儀式。互聯網
恒隆地產(101)主席陳啟宗又捐錢畀大學！繼上周透過家族基金大手筆捐逾27億元畀美國哈佛大學，陳啟宗與太太陳孫偉之私人再捐2,000萬美元(1.56億港元)畀南加州大學。陳啟宗跟南加州大學淵源頗深，佢本人係碩士兼校董，兩個仔係畢業生，細仔陳文揚(Adley)最近仲加入成為職能治療學部臨床助理教授。
陳啟宗一直有捐錢畀中外大學，不過向來低調，捐畀南加州都已經係第三次，近兩次捐畀哈佛與南加州卻大鑼大鼓，據聞，因為呢兩筆屬冠名捐款，所以大學方面一定要高調宣佈。
陳啟宗再捐1.56億
今次陳啟宗向南加州大學職能科學與職能治療學部，捐出1.56億元，用作長遠發展基金，呢個學部將改名為南加州大學陳曾熙夫人職能科學與職能治療學部，以表揚陳氏母親。據美國職能治療協會統計，呢筆捐款係職能治療領域內有史以來首筆冠名捐贈，亦係金額最高?單筆捐贈。
陳啟宗一家為此事齊現身南加州大學，陳啟宗?31歲細仔Adley因而曝光。Adley比哥哥陳文博(Adriel)細兩年，哥哥2004年獲國際關係學學士學位，早幾年開始返恒隆工作，做緊恒隆董事總經理行政助理。
Adley就獲社會學學士學位與職能治療學學士、碩士與博士學位，最近更加入大學，成為職能治療學部臨床助理教授。職能治療係一種醫療保健專業，有助降低患慢性疾病與殘疾?風險。
陳啟宗成日話恒隆係專業管理，大仔加入恒隆，佢都未諗接班問題，?家細仔走去做大學助理教授，唔通Adley打算行學者呢條路，無意做地產生意？
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
