魚樂無窮：進智公交落鑊炒有理
推介股份前，先講兩單新聞。第一，有清盤王之稱?德勤黎嘉恩接受本報訪問，佢話滬港通4月公佈以來，買賣殼查詢明顯增加；第二，強國IPO註冊年底前推出，將降低上市門檻，同時削弱內地殼股價值。兩單新聞，一個結論︰本地薑殼股有價有市！
溫故知新，工業股賣殼孖寶之一?萬威(167)，單日爆升44%，霸氣十足，權智(601)僅升2.3%，萬威市值14億銀，PB2.92倍，權智市值5.4億銀，市賬率2.15倍，權智從size到估值秤，都有追落後空間。
超級冷門股太平地氈(146)突然異動，一度升近五成，成交創九年新高，究竟乜?葫蘆賣乜?藥？公司市值5.5億銀，淨現金連定期存款2.4億銀，中電(002)主席米高嘉道理連同其餘兩名股東持貨71%，說穿了又係靚殼一隻，但街貨太少，導致差價極闊，入場有一定難度。
價低貨乾資產值錢
另一隻異動股進智公交(077)市值3.7億銀，兩大股東持貨同樣70.8%，一樣咁乾，但勝在兩邊盤齊曬，更可取！咦？手頭淨負債9,900萬銀喎，又話有負債唔掂得？睇真?，公司手持公共小巴及巴士牌照，最新值3.1億銀，扣番條數，兩億有多。好值錢架咩?牌？年初施政報告建議，長者2元乘車優惠明年起分階段擴展至綠色小巴，進智公交單日曾喪升七成，值唔值錢股價已經話?你知。噚日埋單升18%，收報1.39元，大成交破位格，隨時重返今年高位1.69元。
唐牛
https://www.facebook.com/tongcow88
唐牛
魚樂無窮 - 唐牛 舊文
