新股大吸水
2014/9/22 上午 09:43:17
網誌分類: 經濟
上周五全球股民的焦點，毫無疑問係阿里巴巴在美國首日掛牌上市。阿里巴巴不負眾望，開市價已衝上92.7美元，比招股價高出36%，最高見99.7美元後回順，升幅收窄，不過全日仍能保持在90美元樓上，收市報93.89美元，較招股份高38%。
按收市價計，阿里巴巴市值達到2310億美元，高過Facebook嘅2000億美元，成為中國最大市值公司，排在第二名的工行(1398)
有約2150億美元，第三係中國石油(857)約2000億美元。但阿里巴巴與全球最大市值的兩家企業仍有一段距離，蘋果公司市值超過4800億美元，全球第一，艾克森美孚超過4200億美 ;元，排第二。 不過，如果阿里巴巴唔係在美國上市，而係在香港或者國內上市，公司市值相信唔會膨脹得咁厲害，只要用同佢差唔多規模，差唔多強勁的騰訊(700)
比較一下就知道。騰訊市值只係有大約只有1522億美元。阿里巴巴如果加埋支付寶的估值，隨時高過騰訊1倍。兩家差唔多規模嘅公司，一家在香港上市，一家有美國上市，市值相差咁多，惟一合理的解釋係美國的科網股市場好熱，香港較冷，此消彼長，阿里巴巴就貴好多啦。阿里巴巴美國上市，騰訊只係沾到少少光，上周五小升1.9%，收125.5元。 而美國上市的雅虎持有24%(5.24億股)阿里巴巴股權，上周五沽出其中的1.2億股，雅虎上周五股價下跌2.7%至40.93美元。有趣嘅係，據彭博社嘅數據顯示，雅虎現在市值為410億美元，但由於仍持有的阿里巴巴股票，股價飛漲，總值達到370億美元，再加上持有市值82億美元的日本雅虎股權，它單係在亞洲的資產，已經超過452億美元。即係話，阿里巴巴股票令到雅虎股票出現好大的折讓！
阿里巴巴令美國新股市場興烚烚，大市表現卻冷清清，納指也不為所動，收市倒跌14點至4580點；標普500指數微跌不足1點，收報2010點；杜指略跑贏大市，小升14點，收報17280點。
隨住阿里巴巴嘅上市，紐交所今年的IPO規模急升至671億美元，較去年增長了103%，唔計阿里巴巴，今年最多嘅IPO公司類別係科技公司，共有114億美元，緊跟其後嘅係金融股，有112億美元。美國今年嘅IPO市場，可以講係非常旺場，繼上周五破了有史以來最大的IPO上市後，今個星期又有美國歷來最大嘅投資銀行IPO--- Citizens Financial Group排隊上市，佢係美國公民銀行(Citizens Ba nk)的母公司 ，於1988年被蘇格蘭皇家銀行(RBS)收購。依家分拆出嚟上市，預計集資33.6億美元。新股輪流抽水，隻隻都咁勁，啲錢就係咁流曬去炒新股，難怪大市近排水靜鵝飛啦。
陸羽仁
回應(4) 我想回應
陸羽仁 BLOG 舊文
