魚樂無窮：利信達擁光棍節概念
■利信達行政總裁劉舜慧指，公司品牌已打入天貓商城首30位。資料圖片
雙十一光棍節仲有唔夠一個月就殺到，還記得去年那些瘋狂購物情節嗎—一粒鐘賣?200萬條底褲及160萬個bra，前者總長度達3,000公里，後者疊埋等於三座珠穆朗瑪峰。舊年總成交額破紀錄達350億人仔，今年再破紀錄，話都冇咁易。誇張情節?背後，其實係印銀紙?動力，你睇，阿里巴巴輕鬆突破100美元，炒?正正係光棍節概念。
網上商店有錢途
環顧本港上市公司，唔少都有涉足網購，但要搵處於增長期?，主打女裝鞋?利信達(738)會係不二之選。剛過去?業績會上，CEO劉舜慧表示，旗下中低檔品牌CNE實體店已全線關閉，並轉移至網店，年初登陸天貓商城，六個月閃電式有錢賺，犀利！事實上，品牌已經打入天貓商城首30位，未來目標進佔10大。公司更預期，今年光棍節銷售額有力倍翻！
從基本因素出發，利信達亦唔失禮。截至8月底止，中期盈利按年增長26.8%至9,694萬銀，毛利率升0.8個百分點至66.9%，中期息亦增至8仙。雖然本港業務倒退，但內地業務標青，溢利升逾兩成，足以抵銷影響。高檔品牌LINEA ROSA推出僅三年，但口碑良好，去年更屬集團同店增長之冠！未來配合CNE雙線發展，大小通吃。
彭博綜合券商預測，今年預測市盈率10.6倍，呢一浪食正網購熱潮，估值有望提升，用13倍市盈率做目標，可見4.7元，潛在升幅逾兩成。
唐牛
https://www.facebook.com/tongcow88
唐牛
魚樂無窮 - 唐牛 舊文
