中環在線：希慎撐學生電影今首映
沈祖堯馬斐森睇《爭氣》
■利希慎基金總裁何宗慈稱，基金做慈善為主，本身屬政治中立。李潤芳攝
好多富豪設有家族基金做慈善工作，銅鑼灣大業主希慎(014)貫徹低調作風，大股東持有?利希慎基金雖然成立41年，但如果唔係贊助紀錄片《爭氣》，都冇乜人留意。套戲今日首映，講一班中學生透過做一齣音樂劇蛻變，撞正學生們正日夜?街爭取真普選，製作公司又請埋中大校長沈祖堯與港大校長馬斐森去睇首映，真係好難唔拉上佔中喎！
唔擔心佔中拖累票房
商界對於佔中，唔係反對，就係避而不談，所以呢排都冇乜公司搞活動，公司管理層都免得出?回應佔中。
利希慎基金總裁何宗慈(Cecilia)知道唔可以一句「no comment」打發華華，噚日見面時好認真咁回應話，基金做慈善工作為主，本身屬政治中立，加上《爭氣》係講一班學生?成長，人與人之間?關係，同佔中冇關。又由於電影所有收入都撥作慈善用途，佢根本唔擔心佔中會否拖累票房。
1973年成立?利希慎基金今次係首次贊助紀錄片，Cecilia指，利希慎基金主要支持教育、藝術文化、環保同埋社會福利4個範疇，理事會有6位利家?成員，佢?主要係利家第三代成員，包括做過希慎董事總經理、現任馬會董事?利子厚，仲有希慎非執董利乾、利憲彬，利憲彬係希慎主席利蘊蓮細佬，利蘊蓮並非基金董事會，實行各施其職。
理事會6位理事每年開會4次，Cecilia與3位全職同事平日會評估各個慈善項目建議，認為合適?，就係遞上董事會討論。Cecilia指，6位利家成員從來冇爭拗，?就做，唔?就再諗，加上佢?各自有慈善基金，「如果基金呢個平台唔?，佢?可以自己做」。大家族做慈善都有自己一套。
■利希慎基金理事會部份成員。 
■《爭氣》係講一班中學生透過做音樂劇的蛻變。 打理慈善基金何宗慈不脫賓架本色
一望姓氏，大概估到何宗慈並非利家成員，佢做銀行賓架31年，2012年中決定轉行，幫利希慎家族打理慈善基金，人工當然少一截，但佢認為合理。多年銀行經驗，令佢做慈善項目都會做盡職審查。佢以支持拍攝《爭氣》為例，奧斯卡女導演楊紫燁舊年搵佢傾合作，由於呢套紀錄片講一班被認為讀書唔成?中學生，點樣透過參加一套本地音樂劇而蛻變，Cecilia會觀察楊導演點樣跟學生相處同拍攝情況，確保結果符預期。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
