魚樂無窮：世界集團炒作五部曲
美股喪跌，A股靚升，港股夾在中間，雖然跌市收場，但波幅其實好窄，明顯再進入炒股不炒市格局。點解？學運領袖周五同政改三人組展開首輪對話，意味呢幾日佔中運動肯定唔會出亂子，風險胃納即時三級跳。
短炒有乜好?？當然又係殼股天下，萬威(167)噚日再破頂，最新市值竟然去到21億，足足等於四個殼。細市值股份食指大動，早排推介?冷門股建聯集團(385)，受市況拖累由高位回落，噚日終出現陽燭，市值4.3億，淨現金2.7億，即股價七毫三，有四毫六係cash，每股NAV1.33元，加上有近五厘息墊底，點秤都係超值價。
另一隻超值股係世界集團(713)，完全符合殼股炒作五部曲。
第一部︰最新市值僅3億銀，同5億殼價仲有一大段距離，炒作空間十足。第二部︰近年業績載浮載沉，最新中期再蝕1,730萬銀，殼股熱潮淹至，賣盤機會不低。
三折大平賣圖表有勢
第三部︰主席兼大股東李達興?貨逾五成，有心人洽購話都冇咁易，李達興今年77歲，退下來是遲早問題。第四部︰公司資產豐厚，包括中港商住物業及廠房，最新每股NAV高達1.36元，現價0.445元，接近三折大平賣，睇見都流口水。
第五部︰股價走勢靚仔，日線圖一直守穩去年10月以來升軌，近月成交大增，不排除有聰明錢率先進場，一旦升破今年高位0.495元，又可以翱翔天際。
唐牛
https://www.facebook.com/tongcow88
唐牛
魚樂無窮 - 唐牛 舊文
