魚樂無窮：海爾大落後急起直追
■海爾電器為集家電同物流業務於一身嘅行業龍頭。 資料圖片
市況有幾癲？超過300隻股創52周新高，比例達兩成，創52周新低呢？十隻手指數得曬！
好多人都問，究竟個市幾時炒完？又用數據答你︰恒指最新市盈率11倍，歷史高峯講緊20倍，可以大膽講句，如果2007年係100%泡沫，而家濃度只得五成；唔好忘記，當年直通車得個吹字，而家滬港通有阿爺back up，不可同日而語。
如果而家仲係冇貨或者唔夠貨點算？唯一方法就係分注吸納，你可能會問，既然睇好後市，點解唔一注獨贏。兩個原因︰第一，冇貨即係冇盈利墊底，短線調整隨時講緊過千點，你一定頂唔順，分注吸納令成本變得更平均，心理壓力都會少啲；第二，如果你有一注獨贏嘅膽量，而家就唔會一股都冇啦！
今日推介互聯網+概念股海爾電器（1169），作為集家電同物流業務於一身嘅行業龍頭，從上周三大時代計起，累積升幅竟然只得兩成，睇睇場內國美（493）同華南城（1668），平均升幅七成，單計追落後空間已經好和味。再講，公司同阿里巴巴已有戰略合作，有呢個IT巨人做後盾，未來發展只會更得心應手。舊年盈利破頂、預測市盈率廿倍未夠、一棍升破雙頂阻力、品牌內地無人不識……賣點多到咁，呢隻港股通中堅份子，好快寫下歷史新一頁。
唐牛
https://www.facebook.com/tongcow88
唐牛
魚樂無窮 - 唐牛 舊文
