魚樂無窮 - 唐牛 2015年5月22日
魚樂無窮：超人與Webb獨愛股
■科聯系統除大股東吳長勝外，持股逾5%還包括超人李嘉誠。 資料圖片
要數近期股壇當紅炸子雞，不得不提新一代殼王高振順，泊得馬雲大碼頭後，旗下公司全部升價十倍，21控股（1003）倍升完繼續大炒，瑞東（376）復牌肯定更風光，呢個投資界黃金組合，睇嚟會繼續呼風喚雨。
上述例子正好說明，除基本因素外，公司有猛人坐鎮，絕對有點石成金之效。今日推介嘅冷灶股科聯系統（046），絕對有力倍翻！齋講業務，科聯不算起眼，主要業務包括銷售電腦網絡及系統平台、提供系統及網絡集成服務、IT解決方案等，另又提供企業軟件應用及相關應用外判，一隻典型IT股。
望一望股東架構，嘩！不得了！除大股東吳長勝外，持股逾5%還包括超人李嘉誠（11.84%），以及股壇長毛David Webb（5.03%），單計呢個夢幻組合，市值都冇理由只得奀豬9.3億元啦。從財務狀況出發，科聯一啲都唔失禮︰手頭現金3.4億元，相當於市值近半，以科網股嚟講，絕對係超級現金牛，息率逾四厘，正到痺！市盈率亦只得十幾倍，比起科網股普遍三、四十倍，平足幾條街。
舊年David Webb曾發表公開信，建議科聯派發特別息，為資產負債表瘦身，股價一度大炒。雖然今年累積升幅達50%，但以其神級質地，絕對唔能夠收貨，唔知David Webb會唔會再開聲呢？
唐牛
https://www.facebook.com/tongcow88
唐牛
魚樂無窮 - 唐牛 舊文
