異動空間：橫行兩年等爆升
炒家餓股已久，國企改革獲批消息一傳出，有理無理掃咗先，三大航運股停牌重組令炒風更盛。「乜唔係好多蟹貨咩，點解彈得咁勁？」望番國企股啲圖，蟹貨區多位於4至5月大時代高位。舉個例中石化油服（1033）位於3.5元，即使昨日挾高12%，收報2.7元，如閣下不幸4蚊
接了火棒，也不會現水位止蝕吧！人同此心，現階段反彈所遇的沽壓有限。但人心仍然虛怯，現時仲有能力落場的炒家大戶，絕非泛泛之輩，行動迅速之餘，觸角敏銳消息又靈通，令市場效率相當高，恒指4月由二萬五爆上二萬八只係用咗三日，追遲啲已中伏。環顧具重組概念的板塊，航運、基建、軍工、鋼鐵已經炒起，再追最穩陣應是煤股，部份紅籌如誠通（217）亦有力，但只宜小注走一轉。
講圖靚有概念不妨揀同佳健康（286），快突破6月高位之餘，將創2008年以來新高，蓄勢展開大升浪。集團近月先後入股莊柏醫療及母嬰健康集團愛帝宮，醫療綜合企業漸成形，令魏力諗起2013年升浪初起的十倍股康健（3886）。現時同佳僅22億市值，可塑性高，話唔定可成為逆市奇葩呢！
魏力
http://www.facebook.com/2012jason
魏力
異動空間 - 魏力 舊文
