一周三件：中化肥地位穩
■中化化肥現價為1.37元。圖為集團主席劉德樹。 資料圖片
中化化肥（297）已經發盈喜，話半年度有超過1倍增長。食住行業回穩，加埋集團獲筍價買入優質資產，嚟緊日子，盈利同增值，應該繼續靚仔，PE、PB兼平過同樣係重量級行家一大截。
博盈喜睇升四成
中化肥係全國
最大化肥供應同分銷商，仲未止，啱啱今年頭，集團EGM通過，買入母系所揸鹽湖股份15%權益。鹽湖係全國最大鉀肥生產商，而呢次轉讓價每股16.3元人仔，比鹽湖現價21.88元人仔，平咗24%。總計中化收購鹽湖權益潛在增值，達到16.7億港元！呢壇製作順風順水搞掂，中化肥龍頭位置，坐得仲穩，兼享受鹽湖增值同利潤。中化肥預計，嚟緊半年度盈利增長120%至160%，一個好重要原因，係化肥產品價格回升。場內專業評估，中化肥今、明兩年eps9.1仙同0.124元，今年全年繼續keep住過倍增長，明年預測PE跌到得11倍。又中化肥現價（1.37元）潛喺8年底，明年預估PB0.53倍。場內同樣夠斤両嘅行家，德國K+S，市值講緊近600億元，明年預測PE15.3倍，預估PB1.56倍；加拿大potash，市值1,776億港元，明年預測PE13.4倍、預估PB2.37倍。尤其PB，中化肥平咗一大截。
又上個月中港股市大插水，睇中央結算紀錄，北水透過滬港通揸中化肥，最新到本周三持倉3.4%，或2.4億股，同6、7月同期持倉量係無乜變化。揸中化肥嘅北水，係實力大揸家。博盈喜沖喜，買中化肥，當上番K+S明年預測PE15倍，中化肥講緊要升近40%到1.9元，到時，集團先得PB0.74倍，未有耐追到行家。
錢雋
細價股專家
本欄逢周一、三、五刊出
錢雋
一周三件 - 錢雋 舊文
