一周三件：港建殘爆抵買
■黃剛動用近5.7億元增持及全購港建股份。 資料圖片
香港建設（190）係場內少數已經跌穿2008年海嘯慘烈價嘅內房，比起大股東黃剛今年中全購價，平咗近30%，市值縮到得23億元，港建殘到爆。
港建2008年金融海嘯期最低位0.203元，現價（0.18元）低過
海嘯價。仲未止，今年頭，港建大股東黃剛，以每股0.25元，買入第三方所揸13.7%，或15.9億股的港建，黃生及一致行動人士（下同）由原先揸44.7%，增加到58.4%。
掌舵人實力超強
亦因為呢壇製作，觸發全購，黃生等再變相增持多近6%，到總持股權益64.3%，呢舖每股提購價，亦係講緊0.25元。而由增持到全購，黃生係真金白銀動用近5.7億元，而現價賬面暫時蝕章近1.6億元。
又港建到今年6月NAV0.95元，現價得0.2倍PB，比起黃生正式入主以嚟嘅平均0.54倍PB，平咗63%。場內size同樣係輕量級嘅內房，達力（029）0.33倍PB、莊士中國（298）近0.3倍、漢國（160）0.25倍，港建PB亦係平咗一截。
又黃剛家族喺印尼係超級家族，阿爺黃奕聰係今年褔布斯亞洲50富豪之一，網載所創辦嘅金光集團，資產值達到2,300億港元。港建現市值只係金光集團資產值嘅零頭！黃生有超強實力背景，隨住連番增持，兼喺上年坐正港建行政總裁嘅掌舵位，家陣接近兩年時間，應該坐暖個身，係睇黃生點湊大港建。
唔扯咁遠，港建殘到爆，冷灶煲一煲，當上番上邊黃生增持成本0.25元，港建講緊要升40%，到時，集團PB先得0.26倍，都仲未追到莊中，陰功！
錢雋
細價股專家
本欄逢周一、三、五刊出
錢雋
一周三件 - 錢雋 舊文
