魚樂無窮：一加一怎大過二
有時候，兩樣東西放在一起，可以產生極大化學作用，例如阿Sa阿嬌變身Twins、地鐵九鐵合併成港鐵（066），一加一效果遠大於二。股票市場亦然，優質股遇上合適財技，威力可以大到你唔信。
怡邦行（599）日前宣佈，以一送一紅股方式，慶祝集團成立40周年。「除淨後
股價都會減半，有乜分別喎！」雖然只係由一個兩蚊銀打散成兩個一蚊銀，但股份流通量倍增，由3億股增至6億股，對交投一向偏弱的怡邦行來說，絕對有積極作用。股份供應增加，買賣兩邊掛牌肯定熱鬧啲，參與人數自然會提升，公司價值可更充份反映。
事實上，怡邦行嘅業績一啲都唔失禮，公司主要從事批發及零售建築五金、衞浴、廠房設備及傢俬，中期盈利大升七成，市盈率僅為6倍，仲有連續10年派息嘅紀錄，息率超過8厘。天呀！原來市值只得4億，連殼價都未到，嚴重低水了。公司最近用2,818萬元擴充寫字樓規模，生意有幾好唔使我講。港股散曬，怡邦行依然逆流而上，話唔定係今輪跌浪嘅大贏家。
唐牛
https://www.facebook.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
