智取大市：搏命最關鍵因素
■最怕明明了解實況，卻被市場主流想法動搖。 資料圖片
Viu TV節目《慳D啦Honey》中，有幾個落注賺錢嘅環節，其中一個「揀二奶」比賽中，男參賽者健健、Picco同Edwin要喺十個女仔裏各自選二奶，而作為另一半嘅女組員，要揀另一半選邊位做二奶，仲可落注
，注碼自己話事，但賠率只一賠一。
結果三個大婆都成功估中二奶，其中健健女友Rachel落注最多，結果喺呢個環節贏最多錢。
10選1、賠率1賠1，表面睇係極不吸引嘅賠率，理論上要小注先值，不過，當中極關鍵因素，就係「了解」，對於伴侶嘅喜好，一清二楚，就能敵得過低賠率嘅不利因素。
留歐、脫歐？唔少人靠邊站，大戶亦冇內幕消息可言，要去估，或許要靠自己心水清，睇通個局，呢啲就係所謂「了解」。如他朝遇上一個自己心水清嘅情況，而市場主流諗法偏偏對著幹，對你嚟講係黃金機會，要好好把握落注。相反，唔夠了解，自然賠率幾吸引都冇用，要靠邊站。
最怕明明自己了解，但被市場主流想法動搖，而失去賺錢機會，呢種情況叫做「可惜」。作為能贏嘅股票投資者，面對自己了解嘅環節及強項，必須好好把握。
晉佳
http://www.facebook.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
