中環在線：中航租賃上市儀式
何猷亨舊愛搶鏡
■短裙長髮嘅Sabrina站在中銀航空租賃CEO馬銳博身旁，十分突出。 李潤芳攝 
噚日中銀航空租賃（2588）上市儀式上，出現一位短裙長髮嘅年輕美女，佢唔係上市公司太子女，而係保薦人之
一高盛嘅分析員陳可欣（Sabrina）。翻查資料，原來佢係「十優港姐」麥明詩喺英國劍橋大學嘅同屆同學，仲係賭王何鴻燊四房公子何猷亨嘅前女友，相當巴弊，佢2014年大學畢業後加入高盛。
24歲嘅Sabrina噚日同中航租賃董事總經理馬銳博企埋一齊影相，輕易搶曬鏡。市場一向都知道，投資銀行特別多名牌大學畢業嘅俊男美女，高盛請Sabrina都唔出奇，佢𠵱家做分析員，兩年年資左右。聽聞，大行請呢類尖子後，部份勤力嘅，真係可以落手落腳寫報告，否則有機會只做花瓶。
■Sabrina幾年前與何猷亨拍拖，曾獲賭王四太讚聰明。 資料圖片 曾獲賭王及四太稱讚
Sabrina家境富貴，在港讀過張祝珊英文中學，之後去咗英國升學，順利入讀劍橋經濟系，跟讀法律系嘅麥明詩都係校內出名嘅靚女，雖然兩人都係來自香港，但聞說兩人並唔friend。
Sabrina多年前做過何猷亨女友，翻查資料，四太喺2012年一次公開活動，有公開讚過Sabrina聰明，讀書又叻，賭王更指猷亨女友做「Full Marks」滿分，可惜何猷亨最後都係捉唔實呢位高素質女友，不過後生仔女拍拖都好少話要結婚生仔。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
來源 source: http://hk.apple.nextmedia.com
