地產潮文：
住劏房已算幸福？
■住劏房已經好幸福，香港人究竟做錯甚麼？ 資料圖片
近日筆者和某公關飲茶，話題難免談及港人現時居住情況。「香港人有得住177呎劏房已好幸福，你知道𠵱家啲劏房有幾細？我最近見到葵湧有舊樓300呎單位一劏四，最細的廁所劏房長闊度分別只有1.55米及1.35
米，面積約30平方呎，有廁所有睡房，不過間房無窗……」「咁誇張？咁成年人瞓得咪難以伸直雙腿？」「月租兩千蚊仲想點？」
公關指近年日本有種類似太空艙的住所，只有半層高和一個床位的闊、深度，分別設有男生、女生樓層。太空艙除了有床頭，還有大燈、電視等，可滿足基來需求。至於浴室、洗衣機等都設於公家地方。公關表示不少日本人都長居於此，很懂得善用空間。
「其實，香港也有類似居所多年，就是為人熟悉的籠屋」。聽到公關提到籠屋，心裏不禁嘩然「但社會唔係應該不斷進步的嗎？97前住鐵皮屋嘅人就逐漸上樓，住公屋嘅就居屋私樓咁樣換上去，𠵱家倒退曬……」「四叔幾年前講咗將來啲新樓會以一兩百呎為主打。
𠵱家樓價租金越來越貴，以前三百萬買到嘉湖三房，𠵱家同樣價錢只能買開放式。特首要增加房屋供應，啲樓稍為起高少少班政棍又反對，假如將新盤分間成幾十呎房間，甚至建太空艙，增加單位數目，未必係壞事……」公關如是說。
香港人前世做錯甚麼？為何今世要被如此壓榨？
地產小子
http://www.propertykids.blogspot.hk
本欄逢周四刊出
地產小子
地產潮文 - 地產小子 舊文
來源 source: http://hk.apple.nextmedia.com
