異動空間：輕身盈喜水務股
■雲南水務到公佈業績前，仲有兩星期可以炒。圖左為集團主席于龍。 資料圖片
憧憬確係最美好，中證監講深港通，來來去去都係「積極推進」、「今年擇機開通」，同人講「搵日飲茶」差唔多。李小加都話技術準備就緒，唔關技術事，就肯定係關政治事，擇來擇去，個政治時機就係未到
。中南海嘅嘢，魏力唔識睇亦唔會估，但外圍無事，美國唔加息住，加埋呢個無限輪迴的憧憬，炒作熱度就剛剛好。
港股成交逐級上，上周二仲係600億鬆啲，周五已飆到790億銀，增幅三成，並創英國脫歐以來新高，如短期上到850億至900億，會視為第一個警戒訊號，唔係話個市會即死，但多咗咁多錢追貨，食一浸糊先也合理吧！有憧憬就有得炒，雲南水務（6839）有盈喜力撐，8月30日才派成績表，仲有兩個星期炒！上日創3個月新高，仲破埋4月以來的中期下降軌，打開升浪的序幕。更重要係，破位唔需要太多成交就做到，反映阻力不大，根本未有耐到大戶目標價，買落去事半功倍！彭博綜合券商，雲南水務今年預測市盈率12倍，市賬率1.1倍，股息率5.3厘，較同業大幅折讓；市值僅17億元，增長潛力龐大，輕身自然跑得特別快！首站先睇5.2元。
魏力
http://www.facebook.com/2012jason
本欄逢周一、五刊出
魏力
異動空間 - 魏力 舊文
來源 source: http://hk.apple.nextmedia.com
