女神tea time：
受惠雄安新區物流股
■中國突然要起個「副都心」雄安新區，一時間所有資金衝曬入去。 資料圖片
中國突然要起個「副都心」雄安新區，一時間所有資金衝曬入去，大家都以「雄安概念第一股」金隅（2009）做指標，佢升即時成個sector升，佢周四一跌就全線回
塘。不過，好在佢唞一唞氣，大家先有追貨機會。
炒「雄安概念」嘅，北控系一定有份，好似旗下中國燃氣（384），慌死你唔知佢喺雄安新區有生意，出埋通告大字標題畀溫馨提示，結果周三又炒高一棍。其實你講北控系內最有potential受惠「雄安」嘅，應該係嘉里集團都持5.24%嘅北京建設（925）。
北京建設主要經營物流服務，包括貨倉設施租賃，集團擁有多個分別位於北京、上海、天津等一、二線城市之物流設施和倉庫，至上年底可出租面積合共111萬平方米，當中正在營運之可出租面積達50萬平方米。雄安新區要大力發展，未來東北地區對物流、倉儲服務需求將會大大提高，北京建設業務上完全食正！
另外，北控醫療（2389）獲北京建設注資，當中部份以股份作交易代價，交易完成後，北京建設持股由原來15.10%增至約21.54%。北控醫療股價周四創自去年5月以來高位，北京建設亦自然水漲船高。
北京建設股價周三喺「雄安概念」下大升逾三成，股價周四稍為回吐5.6%，令大家多一個介入良機。眼見金隅A股繼續升停，證明概念未炒完，而且北京建設講嘅係真心受惠，理論上一棍係不足以反映曬佢嘅潛力，RSI亦見轉強，大家可以跟進跟進。
Fifi
http://fb.com/lovefrystock
本欄逢周五刊出
Fifi
女神tea time - Fifi 舊文
來源 source: http://hk.apple.nextmedia.com
