智取大市：防見頂訊號 先沽金融股
■港股若突如其來大調整，當市場出現恐慌時，可以低撈優質股。 資料圖片
恒指周線圖RSI升至77.1，接近阻力位80，月線圖亦升到去70.7，係金融海嘯過後，僅次於港股大時代嘅第二超買水平，如果指數喺未來一星期內中線見頂，實在唔會令人意外。如果咁都唔跌？
就真係強勁大時代2.0咯，但以目前跡象睇，港股慢升，動力唔算好強，暫好難演化成大時代式亢奮，似乎未來要有中線調整，健康整固之後先有機會出現多一輪升浪。
穩陣起見，減磅避一避調整，最應該先避開跟指數同步嘅股份，中資金融股上星期係威係勢，升浪龍頭平保（2318）噚日嚟個高成交射擊之星，連龍頭都有沽貨壓力，有糊可以先食。
雖然指數攰攰哋，但港股一直慢升唔肯跌，未來調整劇本係呢兩種，第一種，美股式大調整法，一兩日突如其來大跌，然後快速企穩；第二種，係每日慢慢陰乾式跌。有見及港股近期慢升走勢同美股情況相若，暫時估，第一種機會大一啲，應對方式唔難，先保持輕磅，連續兩日大跌之後，條街驚嘅時候就撈貨，當然要撈優質股。
晉佳
http://fb.com/advanceguy1
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
晉佳
智取大市 - 晉佳 舊文
來源 source: http://hk.apple.nextmedia.com
