亮說亮話：甚麼人要搵明燈
■沈大師常被散戶視作明燈。 資料圖片
在一個世界盃估波論壇，沈大師與我亦在其中，經過4日4場比賽之後，我連贏4場，大師就一勝三負，論壇中有人話不需要考慮，只要搵大師做明燈便可以，令到大師甚為煩惱，佢話做燈做到厭。
大師不是澳門人，不知道一件連澳門也未必知道
關於明燈的事。甚麼人要搵明燈，就是那些輸到驚，但又要繼續賭的人。如果是順風順水贏緊錢，點解要搵明燈指路。所以，搵明燈指路的人，其實比做明燈的人更慘。
賭錢的人十賭九輸，根本不用搵明燈，只要隨便在賭場搵一個賭徒，當他輸清光，搵他做明燈的人就會贏到盤滿缽滿。
我在農曆年初與大師一起做有線節目，節目名稱是「兩盞明燈耀股樓」，有聽眾話今年會買樓，因我睇淡樓市，我奇怪那位觀眾點解要等到供應大增、利息上升時才買樓，他的回答是因為我在過去很多年都睇好樓市，而他一早已經認定我是明燈，我睇好樓市令到他不敢買樓，到了現在，我睇唔好樓市，他就夠膽買樓。
我不大了解他的概念，或者他並不是頂白，而是頂紅，想唔輸死都唔得。事實上，投資股票與買樓是有別於去賭錢，投資是可以締造雙贏局面，毋須刻意跟紅或者頂白，只要跟著自己實力以及概念去做便可以，有運固然是好，就算無運，只要有能力捱過難關，到最後都是勝利者。
大家記住，話要搵人做明燈，即是話畀對方知道，自己比他更慘，要靠他打救。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com
