Can Bank：港鐵廁所管理文化
■由香港站廁所的質素，可以看到港鐵的管理文化是甚麼水平。 資料圖片
自從重返堆填區上班之後，散子已甚少出中環威威，某日有幸獲邀到中環午膳，梗係𧄌飯應。由於位置近港鐵香港站，當日在人有三急之下，就借用香港站廁所，一借就出事了。
以前在《信報》
工作嘅時候，曾經同當時老總講過，《信報》個廁所（當年在北角），要寫真係要借曹Sir（曹仁超）個欄（投資者日記）（註：足足有一版位）嚟寫先至夠位，如果唔係就唔尊重廁所嗰陣味。香港站個廁所，以當年基準計，要借足一個禮拜至夠寫！門口已經有異味，入到去濃烈嘅臭味可以想像，廁格更有另一種臭味……為保持空氣清新，散子唔再進一步用文字影響讀者們嘅嗅覺。
港鐵香港站廁所除咗係機場快線總站、亦是東湧線嘅總站，旅客更可以在香港站預辦登機，係市區重要交通樞杻。香港站廁所雖然唔奢求有樓上IFC商場嘅質素，亦都無必要自貶身價到去大陸油站廁所的水平吧！
觀微知著，班次延誤早已不是新事，連廁所都管唔好，難怪新支線連番出問題，只能怪兩鐵合併後只有一間鐵路公司，再差已經沒有公司可以取代，相信這就是股價可以越鬧越升嘅原因。
散子
http://fb.com/散子-257101397966975
散子
Can Bank - 散子 舊文
來源 source: http://hk.finance.appledaily.com
